Арассыыйа үрдүнэн Чурапчы улууһугар эрэ парвовируһу буллулар

Share

Парвовирус диэн саҥа ыарыы турбут диэн хайа сиргэ, улууска турбута биллибэт сонун бассаабынан тарҕана сылдьар. Бу аһара түргэнник сыстар ыарыы Арассыыйа үрдүнэн чуо Чурапчы улууһугар эрэ турбут. Ол туһунан улуус баһылыга Степан Саргыдаев бэйэтин телеграм-ханаалыгар таһаарда.

Телеграм-ханаалга этиллэринэн, оскуола оҕолоро уонна Чурапчытааҕы физическэй култуура уонна успуорт институтун биир устудьуона парвовируһунан ыалдьыбыттар. Бу билиҥҥитэ парвовируһунан ыалдьыы Арассыыйаҕа соҕотох түгэнинэн буолар диэн улуус баһылыга бэлиэтиир.

Улуус дьаһалтатын уочараттаах планеркатыгар бу туһунан кэпсэтиигэ ылыллыбыт ыарыыны сэрэтэр биир быһаарыынан, баһылык Степан Саргыдаев харантыыны таһынан Чурапчыга нэһилиэнньэ уонна оҕолор маассабайдык элбэхтэ сылдьар, мустар сирдэригэр дезинфекцияны ыытарга сорудахтаабыт.

Оҕолортон үгүстэрэ чэпчэкитик аһарынар буоллахтарына, хат дьахталларга уонна сорох, ордук анемиялаах, уонна иммунитеттара кэһиллибит, дьоҥҥо олус ыарахан содуллаах буолуон сөп диэн этэллэр. Дьон үксэ бу парвовируснай инфекциянан ыалдьыбыттарын билбэккэ да аһарыналлар уонна оннук ыалдьан бүттэхтэринэ, кэлин бу ыарыыга иккистээн бэриммэт буолаллар.

Бу ыарыы киһиэхэ маҥнай конъюктивит курдук киирэрэ биллэр. Сырдыктан киһи хараҕа саатар, салгыы куор ыарыы киэнин курдук, иэдэстэн саҕалаан кып-кыһыл ымынах тахсар. Ымынах салгыы моойго, онтон аллара тириигэ барытыгар тарҕаныан сөп. Киһи күүскэ температуралыыр, хотуолуур уо.д.а. Оҕолор ыалдьар куордарын, скарлатиналарын, краснухаларын, инфекционнай мононуклеозтарын, розеолаларын кэккэтигэр киирэр түргэнник сутуйар, тарҕанар ыарыы.

Маннык араас сэрэхтээх ыарыылар үөдүйэн тахса турар кэмнэригэр иһэр ууну, бэл, улахан бытыылкалаах ыраастаныллыбыт ууну кытта, оргутан иһиҥ, илиини үчүгэйдик сууна сылдьыҥ, элбэх дьон мустар сириттэн кыалларынан дьалты туттуҥ диэн сүбэлииллэр.

Recent Posts

  • Сонуннар
  • Уопсастыба

Улуустар икки ардыларынааҕы оптуобус сырыыта тохтотулунна

Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар  муниципалитеттар икки ардыларынааҕы оптуобус сырыыта быстах…

11 минут ago
  • Сонуннар
  • Уопсастыба

«Буратино» саҥа киинэ прокаттан 1,5 млрд солк. хомуйда

«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…

41 минута ago
  • Интэриэһинэй
  • Сонуннар

КЭПСЭЭННЭ ИСТИЭҔИҤ: «Тайах оҕото» (аудио)

sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы  Ангелина Васильева-Дайыына  "Тайах оҕото"…

2 часа ago
  • Сонуннар
  • Уопсастыба

Саха сиригэр эми-тому атыылаһыыга көдьүүһүн үрдэтэргэ саҥа ньымалары киллэрэллэр

Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…

2 часа ago
  • Сонуннар
  • Уопсастыба

Полицейскайдар тыаҕа муммут уонна суолга хаайтарбыт ыалы быыһаабыттар

Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…

3 часа ago
  • Быһылаан
  • Бэрээдэк
  • Сонуннар

30 мөл.солк. уорбут түөкүн дьыалата суут көрүүтүгэр ыытылынна

Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…

3 часа ago