«Арассыыйа үтүөлээх учуутала» аатын сүктүлэр

Саха сирин икки учууталыгар “РФ үтүөлээх учуутала” судаарыстыбаннай наҕарааданы туттарыахтара.

Дойду бэрэсидьиэнэ Владимир Путин, бэс ыйын 27 күнүгэр үөрэх эйгэтигэр үтүөлэрин уонна үгүс сыллаах үтүө суобастаах үлэлэрин иһин, “РФ үтүөлээх учуутала” үрдүк судаарыстыбаннай наҕарааданы туттарарга илии баттаата. Иккиэн Амма улууһун учууталлара. Ол курдук, Н.Е. Иванов аатынан агро-хайысхалаах биридимиэттэри эбии үөрэтэр Бөтүҥ орто оскуолатын учуутала Дьячковская Валентина Ивановна уонна Е.А. Шишигин аатынан Сатаҕай орто оскуолатын учуутала Терентьева Ольга Семеновна.

Үүнэр ыччаты үөрэтиигэ, иитиигэ үгүс өҥөлөөх учууталлары үрдүк наҕараадаларынан эҕэрдэлиибит.