Арассыыйаҕа 2026 сыл сэттэ кылгатыллыбыт үлэ нэдиэлэлээх

Бу бырааһынньык күннэрин көһөрүүнүнэн сибээстээх.

Үлэ халандаарынан Арассыыйа олохтоохторун 2026 сылга сэттэ кылгатыллыбыт үлэ нэдиэлэтэ күүтэр. Бу бырааһынньык күннэрин көһөрүүнэн сибээстээх диэн hh.ru пресс-сулууспата РИА-Сонуннарга иһитиннэрбит.

Олунньуга Арассыыйа олохтоохторо Аҕа дойдуну көмүскээччи күнүнэн 21-тэн 23 чыыһылаҕа диэри сынньаныахтара, түөрт күн – 24-тэн 27 күҥҥэ диэри үлэлиэхтэрэ. Салгыы кулун тутар 10 күнүттэн 13 күнүгэр диэри, онтон муус устар 27 күнүттэн 30 күнүгэр диэри, ону тэҥэ ыам ыйын 12 күнүттэн 15 күнүгэр диэри, бэс ыйын 8 күнүттэн 11 күнүгэр диэри кылгас нэдиэлэлэр күүтэллэр.

Сэтинньи саҥатыгар Норуот сомоҕолоһуутун күнэ сэрэдэҕэ түбэһэн, үлэ нэдиэлэтин икки аҥыы араарыаҕа, оттон ахсынньы бүтэһик нэдиэлэтэ үс эрэ үлэ күннээх буолуоҕа.

Санатан эттэххэ, 2026 сыл тохсунньутугар Арассыыйа олохтоохторо 31 күнтэн 15 эрэ күн үлэлиэхтэрэ. Онон бу ый уоппусканы ыларга саамай табыгаһа суох ыйынан буолуоҕа.