Хаартыска: arktika.sakha.gov.ru
Кыһын бүтэһик ыйыгар, олунньу 28 күнүгэр, Арассыыйа үрдүнэн Арктика күнэ бэлиэтэнэр. Бу бырааһынньык иккис аата – Тымныы күнэ.
Бу күн Арктика усулуобуйатыгар олорор төрүт олохтоох омуктары чиэстииллэр. Арктика эбэтэр Тымныы күнүн сүрүн соругунан арктикатааҕы экспедициялары, научнай чинчийиилэри киэҥник тарҕатыы, бу эрэгийиэн ураты айылҕатын уонна култууратын харыстааһын проблемаларыгар болҕомтону тардыы, ону тэҥэ Арктика уопсастыбаларын сайдыыларын хааччыйыыга туһуланар.Саха сирин 1 мөл. 600 тыһ. кв. км иэннээх Арктика зонатын сиригэр 68 тыһ. кэриҥэ киһи олорор.
Санаттахха, СӨ Ил Дархана Айсен Николаев Саха сиригэр 2035 сылга диэри Арктика зонатын сайыннарыы стратегиятын ылыммыта. Докумуонунан киһи олоҕун хаачыстыбатын үрдэтиигэ Арктика сирэ-уота тупсаҕай уонна умсугутуулах буолар соругу туруорар.
Российскай Федерация арктическай зонатыгар Архангельскай, Мурманскай уобаластар, Ненецкэй, Чукотскай уонна Ямало-Ненецкэй автономнай уокуруктар, Коми Өрөспүүбүлүкэтэ, Норильскай куорат, Красноярскай кыраай икки оройуоннара, Саха Өрөспүүбүлүкэтин 13 оройуоннарын территориялара киирэллэр. Ону таһынан, дойду арктическай зонатыгар Хотугу Муустаах байҕал сирдэрэ уонна арыылара ааҕыллаллар.
Оттон Саха сиригэр Арктика күнэ Арктика зонатын оройуоннарын өйүүр уонна сайыннарар сыаллаах СӨ Ил Дарханын Ыйааҕынан 2014 сыл ахсынньы 11 күнүттэн сыл ахсын кулун тутар 19 күнүгэр бэлиэтэнэр.
Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…
Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга саамай…
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…
РФ Үөрэҕириитин уонна Үөрэҕи, билими кэтээн көрөр федеральнай сулууспа кэлэр сыллааҕы биир кэлим эксээмэн, сүрүн…
Арассыыйа тимир суоллара (АТС) Кытайы уонна КНДР-ы кытта пассажирдары тиэйиини сөргүтэллэр. Бу туһунан АТС пресс-сулууспата…
Бүгүн СӨ Бырабыыталыстыбатын 2 дьиэтигэр "Конституция -- Арассыыйа быраапка тирэҕэ: Саха сирин аныгы быыбардыыр тиһигин…