Арассыыйаҕа арыгыны 21 саастарыттан атыылыыр буолуохтара

Бу туһунан сокуон барылын Госдуумаҕа дьокутаат Султан Хамзаев бэлэмнээн киллиэриэҕэ.

Кини этэринэн сокуон барылын нуормаларын кэспит буруйданааччы административнай эппиэтинэскэ тардыллыаҕа.

«21 саастарыгар диэри арыгы утаҕын иһэри хааччахтыырга туруорсабын. Маннык хааччахтааһын арыгыны утары бэлиитикэ нуормаларын иһинэн үлэлиэҕэ. Биһиги маннык хааччахтары киллэрэн ыччакка арыгыны иһиини сарбыйыахтаахпыт», — диэтэ кини.

Дьокутаат бэлиэтииринэн, холобур, Арассыыйаҕа булка, успуорка, травматическай сааны 21 сааһыттан атыылаһыахха сөп. Кини арыгыны атыылыыр маҕаһыыннары эрэ буолбакка, арыгыны иһэр биирдиилээн эдэр дьону эмиэ ыстарааптыахха наада. «21 сааһыгар диэри арыгыны атыылаһан испит ыччат дминистративнай эппиэтинэскэ тардыллыахтаах. Сотору маннык этиилээх Госдуумаҕа  тахсары былаанныыбын», — диэн Султан Хамзаев Газета.ру эттэ.