Арассыыйаҕа арыгыны утары охсуһар хампаанньа ыытыллар

«Национальные приоритеты» АНО Арассыыйа Доруобуйа харыстабылын министиэристибэтин кытта «Арыгыта суох олох» диэн арыгыга ылларыыны утары охсуһууга туһуламмыт социальнай аахсыйаны саҕалаатылар.

Хампаанньа тэлэбиидэнньэҕэ, араадьыйаҕа, тас угуйукка уонна интэриниэт ситимигэр ыытыллар. Аҕытаассыйа матырыйаалларыгар ким эрэ арыгы иһэн баран быстах быһыыны оҥорон, олоҕун улахан суолталаах түгэнин алдьатар үгэс буолбут түгэннэрэ ойууланаллар. Кэлиҥҥи сылларга дойдубутугар арыгыны иһии биллэ намтаата. ВЦИОМ иһитиннэрбитинэн, 2020 сыл ахсынньытыттан 2024 сыл атырдьах ыйыгар диэри арыгыны испэт эбэтэр иһэрин аҕыйаппыт дьон ахсаана 48 %-тан 65 %-ҥа диэри улааппыт. Бу сырдатар үлэ сөптөөхтүк ыытылларын уонна «Уһун уонна көхтөөх олох» национальнай бырайыак чэрчитинэн кэккэ  миэрэ олоххо киирбитин кытта ыкса сибээстээх.

«Биһиги хампаанньабыт сүрүн тосхолунан чопчу холобурдары туһанан, арыгы уонна кинини кытта күүстээх сибээс киһи олоҕун биллэ мөлтөтөрүн көрдөрүү. Ол курдук, улахан суолталаах көрсүһүү, төрөөбүт күн, сыбаайба, чугас дьоҥҥун кытта алтыһыы уо.д.а. умнуллубат күндү түгэннэр арыгыттан сылтаан куһаҕан өйдөбүлү хаалларыахтарын сөп. Онон бу маннык үлэ дьоҥҥо туох суолталааҕын уонна арыгыта суох олоруу үчүгэйин туһунан толкуйдуурга көмөлөһүөҕэ диэн эрэнэбин, — диэн бэлиэтээтэ “Национальнай приоритеттар” АНО генеральнай дириэктэрэ Софья Малявина.

Сиһилии: https://www.sakha.gov.ru/news/16672 сигэнэн аах.