Хаартыска. Саха сирэ саайт архыыбыттан
Арассыыйаҕа бөрө ахсаана биллэ эбиллибитэ бэлиэтэннэ. Ол курдук, кэнники сыллары кытта тэҥнээтэххэ, сиэмэх кыыл ахсаана элбээн, дьон-сэргэ олоҕор биллэр мэһэйи үөскэппитин туһунан иһитиннэрдилэр.
Ордук Кировскай, Красноярскай, Томскай, Ленинградскай, Псковскай уобаластар, ону тэҥэ Бурятия уонна Архангельскай уобалас олохтоохторо үҥсэллэр. Онно сиэмэх кыыллар дьонтон толлубат буолбуттар, тыа сирин хаһаайыстыбатыгар хоромньуну оҥороллор, аны туран ыраах да, чугас да сытар нэһилиэктэргэ оскуола оҕолоругар кутталы үөскэтэллэр диэн ohotniki.ru саайт суруйар.
Кировскай уобаласка 2026 сыл тохсунньутуттан бөрөһүттэр 29 бөрөнү өлөрбүттэр, онтон сэттэтин — Афанасьевскай уокурукка. Бултаабыт хас биирдии бөрөлөрүн иһин булчуттарга олохтоох бүддьүөттэн төлөбүр көрүллэр — ортотунан 15 тыһыынча солкуобай. Билигин эрэгийиэҥҥэ 500-чэ бөрө баара биллибит — бүтэһик уон сыл иһигэр ахсааннара икки төгүл элбээбит.
Томскай уобаласка уон сыл иһигэр бөрө ахсаана 36% үрдээбит. Өскөтүн 2015 сыллаахха 409 бөрө баар эбит буоллаҕына, 2025 сыл бүтүүтүгэр — 1664 буолбут. Онно хас биирдии улахан бөрөнү туттарбыт иһин 30 тыһыынча солкуобай бириэмийэ олохтообуттар.
Саха сиригэр эмиэ бөрө ахсаана элбэҕин санатыахха наада. 2023 сыллааҕы судаарыстыбаннай кэтээн көрүү көрдөрүүтүнэн, өрөспүүбүлүкэҕэ бөрө ахсаана 9-тан 12 тыһыынчаҕа тиийэр этэ. Сиэмэх кыыллар таба уонна сылгы хаһаайыстыбаларыгар улахан хоромньуну оҥороллор, ардыгар нэһилиэктэргэ киирбит түгэннэрэ эмиэ бэлиэтэммиттэрэ.
Байыаннай дьайыыттан эргиллэр буойуннар эйэлээх олоххо сөптөөх миэстэни ылыахтаахтар. Бу бэлиитикэ биир холобурунан Арассыыйа Дьоруойа…
Арассыыйа ИДьМ (МВД) «Дьокуускайдааҕы» МУ полициятын 3-с нүөмэрдээх салаатын дьуһуурунай чааһыгар таҥас маҕаһыыныттан уопсайа 26…
Сирэйгэ, илиигэ мэҥ курдук бээтинэлэр сааһырбыт эрэ дьоҥҥо тахсар курдук үгүстэр өйдүүллэр. Күн уота аһары…
Ленскэй оройуонугар полиция холуобунай ирдэбилин үлэһиттэрэ суһал иһитиннэриини бэрэбиэркэлии сылдьан, 39 саастаах олохтоохтон регистрацияламматах «Тигр»…
М.К. Аммосов аатынан ХИФУ успуорка саалаларыгар 35, 40, 45, 50, 55, 60, 65, 70 үөһээ…
2026 сыл саҥатыгар дойду үрдүнэн кремация сыаната биллэ үрдээбитэ көстөр. Сүрүн биричиинэтинэн ОДьКХ өҥөтүн тарыыба…