Арассыыйаҕа биэнсийэни тохтотор туһунан сымыйа сурах тарҕанна

Куйаар ситимигэр сотору кэминэн дойду үрдүнэн биэнсийэ бырагырааматын тохтотор былааннаахтарын туһунан сымыйа сурах тарҕанна. Бу сонуннары Арассыыйаны утарар ТГ-ханаалларын бөлөхтөрө тарҕаталлар.

«РФ Конституциятынан биэнсийэни тохтотор да, уларытар да сатаммат», — диэн Федерация Сэбиэтин Конституционнай сокуонун кэмитиэтин бэрэссэдээтэлэ Андрей Клишас санатта.

«Биэнсийэни бырагырааматын көтүрүү боппуруоһун туһунан сымыйа сурах тарҕанар түгэнигэр, РФ Конституциятын 39.1 ыст. санаттыаххытын наада. Хас биирдии киһиэхэ сааһынан, ону таһынан ыалдьыбытынан, инбэлиитинэн, дьонун сүтэриинэн, оҕолору иитиигэ уонна да атын түгэннэргэ социальнай хааччыйыы мэктиэлэнэр», — диэн Андрей Клишас бэйэтин ТГ-ханаалыгар суруйар.