Арассыыйаҕа дьахталлар эр киһитээҕэр үрдүк биэнсийэни ылаллар

Дойду үрдүнэн дьахталлар биэнсийэлэрин төлөбүрэ эр киһитээҕэр үрдүк буолара билиннэ.

Дьахталлар дойду үрдүнэн биэнсийэлэрин төлөбүрэ ортотунан эр киһитээҕэр үрдүк буолара билиннэ. Ол туһунан 2025 сыллааҕы Социальнай пуонда чахчылара туоһулууллар.

«Арассыыйаҕа дьахталлар эр киһитээҕэр үрдүк биэнсийэни ылаллар…», — диэн РИА Новости суруйар. Ааҕыныстыба пуонда чахчыларыгар сигэнэн суруйар.

Официальнай статистика көрдөрөрүнэн, дьахталларга биэнсийэ орто кээмэйэ ыйга 23 249,58 солк. эбит буоллаҕына, эр дьон 23 028,33 солк. ылаллар. Дойду үрдүнэн биэнсиэй төлөбүрэ ортотунан — 23 175,17 солк. Араастаһыы хас да сыл устата уларыйбакка турар.

Урут бу иннинэ Сэбиэт чилиэнэ Ольга Епифанова 2025 сылга страховой биэнсийэ төлөбүрдэрин кээмэйэ 8907,7 солк. тиийэрин туһунан иһитиннэрбитэ.