Хаартыска: Андрей Сорокин, СИА
РФ Бырабыыталыстыбатын вице-премьерэ Марат Хуснуллин иһитиннэрбитинэн, тутууга 2021 сыллаахтан федеральнай бүддьүөттэн кирэдьииттээһин киирэн, былырыын аҥаардас бу хайысханан Арассыыйа үрдүнэн 5,6 мөлүйүөн кв м дьиэ тутуллубут.
РФ Бэрэсидьиэнэ Владимир Путин быйылгы Анал этиитигэр дойду үрдүнэн хаһааҥҥытааҕар да элбэх дьиэ тутуллубутун санатан бэлиэтээбитэ. Былырыын 102,7 мөлүйүөн кв м дьиэ тутуллан киирбит. Ол иһигэр бүддьүөттэн кирэдьииттээһин хайысхатынан 5,6 мөлүйүөн кв м тутуллубут. Санатан эттэххэ, инфраструктуралары кирэдьииттээһиҥҥэ федеральнай бүддьүөккэ 2021-2025 сылларга биир триллион солкуобай былааннанан турар. Быйыл бэрэсидьиэн манна өссө 250 млрд солкуобайы көрөргө сорудахтаабыта. Ону таһынан 50 млрд солкуобай уопсастыбаннай тырааныспардара сайыннарыыга барыахтаах.
— Былырыын Арассыыйа үрдүнэн хаһааҥҥытааҕар элбэх дьиэ тутуллан киирдэ. Манна биир өттүнэн бүддьүөттэн инфраструктуралары тутууга кирэдьииттээһин киирбитэ улахан оруолу ылла. Бу хайысханан ордук Москва, Санкт-Петербург, Свердлов, Тюмень, Рязань уобаластара туһаннылар. Холобур, Москва уобалаһыгар былырыын үлэҕэ киирбит дьиэлэр ахсааннарыттан сэттэ бырыһыанын бу саҥа хайысханан тутуллубут дьиэлэр ылаллар. Оттон Рязань уобалаһыгар тутуллубут дьиэлэр 42 бырыһыаннара бүддьүөттэн үбүлэннилэр, — диэн бэлиэтиир вице-премьер Марат Хуснуллин.
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…