Арассыыйаҕа Доброволец күнэ

Ахсынньы 5 күнүгэр  Амарах санаа күнүн (Доброволец күнэ) бэлиэтээһин чэрчитинэн, «Биир ньыгыл Арассыыйа» баартыйа уонна «Саха Өрөспүүбүлүкэтин Аҕа дойду буойуннарын дьиэ кэргэттэрин кэмитиэтэ» АУо бары баҕалаахтары Саха Өрөспүүбүлүкэтин волонтерскай куорпустарын презентациятыгар ыҥыраллар.

Тэрээһин байыаннай дьайыы кыттыылаахтарыгар араас өрүттээх көмөнү оҥорор өрөспүүбүлүкэ уон үс уопсастыбаннай түмсүүтүн бэрэстэбиитэллэрин түмүөҕэ: «Боевые шелкопряды Якутии», «Илии сылааһа», «ДоброVольцы», «Якутия с тобой», «Вместе мы сила», «Внуки победителей», «Волонтеры-целители», «Молоды душой», «ШТОРМ», «Патриот 14», «Холбоһук күүс», «Отдых на реке Лена» уонна «Туллук – эйэ уонна үтүө санаа бэлиэтэ» («Туймаада волонтердара»).

Хас биирдии түмсүү бэйэтин хамаандатын уопутун билиһиннэриэҕэ, ситиһиилэрин үллэстиэҕэ уонна байыаннай сулууспалаахтарга көмөлөһүү дьыалатыгар өрөспүүбүлүкэҕэ амарах санаа хамсааһынын сайыннарыы былааннарын кэпсиэҕэ. Буолар күнэ-дьыла: ахсынньы 5 күнэ, саҕаланар кэмэ – 17:00 чаастан. Буолар сирин аадырыһа: Дьокуускай к., Курашов уул., 24 дь., 6-с этээс, 601 №-дээх Спикер-саала.