Арассыыйаҕа героинтан 5 тыһ. төгүл күүстээх наркотигы тарҕатан эрэллэр

«Известия» таһаарыы бэлиэтииринэн, 2024 сылга диэри Арассыыйаҕа карфентанил булуллубут түбэлтэлэрэ олох аҕыйах этэ — былырыын полиция 10-ча маннык тутууну оҥорбута уонна маннык веществолаах биир киилэ наркотигы былдьаабыта.

Онно холоотоххо, 2025 сыл саҕаланыаҕыттан кырата түөрт эпэрээссийэ ыытылынна, онно 100-чэкэ грамм былдьанна.

Карфентанилы 1974 сыллаахха Бельгия Janssen хампаанньата улахан кыылларга — слоннарга, носорогтарга уонна да атыттарга уоскутар эмп быһыытынан оҥорбута. Бу вещество биир саамай күүстээх опиоид быһыытынан биллэр. Ол курдук, биир суос-соҕотох карфентанил бачча кээмэйдээх фентанилтан 100 төгүл, героинтан 5000 төгүл уонна морфинтан 10000 төгүл күүстээх.

Киһини өлөрөр дозата баара-суоҕа 2 мкг эрэ.

Бу олус кутталлаах наркотигы ордук элбэхтик Сибииргэ, Уралга уонна Уһук Илиҥҥэ былдьаатылар.

Карфентанил үрдүк концентрациялаах буолан, киилэнэн тиэллибэт, ол иһин кыраныыссаҕа тутан ылар уустуктардаах, диэн сэрэтэр “Российскай газета”.