Андрей Сорокин,/ЯСИА
Доруобуйа харыстабылын аан дойдутааҕы тэрилтэтэ (ВОЗ) Роспотребнадзортан Арассыыйаҕа саҥа вирус туһунан дааннайдары хомуйан ыытарга көрдөспүтэ, диэн Москва куоракка тэрилтэ филиалын офиһын баһылыга Батыр Бердыклычев иһитиннэрдэ.
Кини этэринэн, саҕа вирус көстүбүтүн туһунан иһитиннэрии чахчыта бигэргэммэтэ. Бу иннинэ саҥа вирус тарҕамматаҕын туһунан Роспотребнадзор эмиэ иһитиннэрэн турардаах.
Батыр Бердыклычев ВОЗ Роспотребнадзортан биллибэт ыарыы биэс түбэлтэтин быһаарыытын ылбытын туһунан кэпсээтэ.
«Ол эрээри, кэлин силиэстийэ быһаарбытынан, ол иһигэр лабораторнай чинчийиинэн Москваҕа уонна Москуба уобалаһыгар бэлиэтэммит биэс түбэлтэ микоплазменнай инфекцияттан пневмония (тымныйыы) буолара билиннэ. Бу саҥа вирус буолбатах», — диэтэ кини.
Санаттахха, кулун тутар 29 күнүгэр дойду ТГ-ханаалларынан үрдүк температуралаах, хааннаах сөтөллөөх дойдуга саҥа вируснай ыарыы тарҕаммытын туһунан биллэрбиттэрэ. Бу вируска сутуллубуттар коронавируснай инфекция да, кириип да буолара быһаарыллыбатаҕа, ол иһин эмчиттэр чопчу диагноһы сатаан туруорбатахтара диэн кэпсээбиттэрэ.
Аҕыйах хонон баран, Роспотребнадзор «биллибэт вирус» чахчытыгар микроплазменнай пневмония буоларын быһаарбыта. Дойдуга эпидемиологическай балаһыанньа туруктаах уонна толору хонтуруолланар.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…