Арассыыйаҕа коронавирус намтаан эрэр

Ааспыт сууккаҕа Арассыыйа үрдүнэн 12345 киһи коронавирустаабыта биллибит.

Бу иккис нэдиэлэтин ыарыы тэтимэ Арассыыйаҕа намтаан эрэрин көрдөрөр. Элбэх киһи Свердловскай уобаласка ыалдьыбыт — 1109 киһи. Москва — 948, Санкт Петербурга — 726 киһи ыалдьыбыта бэлиэтэммит. Бу күн 18441 киһи үтүөрбүт. Оттон 94 киһи ыарыыттан өрүттүбэтэх.

Коронавирус саҥа долгуна дойдуга атырдьах ыйыгар саҕаламмыта. Ити кэмҥэ хамсыгы бохсор хааччахтар ууратыллыбыттара. Ыарыы балаҕан ыйын 16 күнүгэр элбээбитэ бэлиэтэммитэ. Ити күн Арассыыйа бары эрэгийиэннэрин көрдөрүүлэрин холбоон, барыта 59 тыһыынчаттан тахса киһи ыалдьыбыта бэлиэтэммитэ. Роспотребнадзор коронавирус бу долгунун олус сыстыганнаах эрээри, арыый чэпчэкитик ыалдьаллар диэн быһаарыы таһаарбыта.