Бүтүн Арассыыйа үрдүнэн, кулун тутар 24 күнэ, Кутурҕан күнүнэн биллэрилиннэ. РФ Бэрэсидьиэнэ Владимир Путин «Крокус Сити Холл» комплекска хаан тохтуулаах иэдээн буолбутун этэн туран, бу туһунан иһитиннэрдэ.
Кини бу иэдээннээх быһыыны, алдьархайы оҥорбуттар, тэрийээччилэр, терагы толорооччулар уонна сакаастааччылар бары сөптөөх буруйга-сэмэҕэ тардыллыахтара диэн этэр.
«Билигин биһиги сүрүн ытык иэспит — бука бары бииргэ сомоҕолоһуохтаахпыт, түмсүөхтээхпит. Онно итэҕэйэбин, эрэнэбин, оннук буолуоҕа. Биһиги түмсүүлээхпитин, сомоҕолоһуулаахпытын, бигэ, хорсун санаалаахпытын, Арассыыйа норуотун модун күүһүн ким да, туох да түөрэҥнэтэр кыаҕа суох. Иирсээни, арахсыыны, уолуйууну кыайан күөттүөхтэрэ суоҕа. Арассыыйа уустук кэмнэри ааспыта, онтон өссө күүһүрэр. Билигин да оннук буолуоҕа», — диэн этэр Владимир Путин.
Ил Дархан Айсен Николаев ыйааҕынан 2024 сыл кулун тутар 25 күнүгэр 00.00 чааска диэри маассабай өрөспүүбүлүкэ сиригэр-уотугар тэрээһиннэри, араас күрэхтэһиилэри тэрийэн ыытыы бобуллаллар.
«Оннук буолуоҕа — биһиги бары бииргэбит. Бука бары сүтүктээхтэргэ кутурҕаммытын биллэрэбит, эмсэҕэлээбиттэргэ үтүөрэ охсоллорун туһугар баҕарабыт. Биһиги кыайыыга эрэллээхпит», — диэн бэйэтин ТГ-ханаалыгар СӨ Ил Дархана Айсен Николаев суруйар.
Теракт буолбут сиригэр уонна эрэгийиэннэргэ мемориалларга дьоннор кэриэстэбил бэлиэтигэр сибэкки дьөрбөлөрүн уураллар.
Кулун тутар 22 күнүгэр Красногорскайга «Крокус Сити Холл» комплекска хаан тохтуулаах иэдээн тахсыбыта. Иһитиннэриигэ этиллэринэн, 133 киһи өлбүт, 140-тан тахса киһи эмсэҕэлээбит.
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…