Арассыыйаҕа нолуок реформата саҕаланна
![](https://sakha-sire.ru/wp-content/uploads/2023/02/harchy-900x596.jpg)
РФ Бырабыыталыстыбата Үп министиэристибэтэ “нолуок тиһигин тупсарыыга” диэн киллэрбит көннөрүүлэрин биһирээтэ. Ол эбэтэр НДФЛ-ы ыйга хамнастара 200 тыһ. солк.-тан саҕаланар (сылга 2,4 мөл. солк.) дьоҥҥо үрдэтиэхтэрэ.
“Үрдэтиллибит НДФЛ дохуот сууматыгар барытыгар ааҕыллыа суоҕа, олохтоммут кээмэйтэн тахсыбыт суумаҕа эрэ ааҕыллыа”, — диэн РФ Үпкэ миниистирэ Антон Силуанов быһаарда.
Ол эбэтэр, өскөтө эн хамнаһыҥ ыйга 250 тыһ. солк. буоллаҕына, 200 тыһыынчатыгар 13% -наах нолуок түһэр, оттон 15 %-наах нолуок ордубут 50 тыһыынчатыгар эрэ ааҕыллар.
НДФЛ мантан антах маннык ааҕыллара күүтүллэр.
2,4 мөл-тэн 5 мөл. солк. дохуоттаах киһиэхэ – 15 %
5 мөл.-тэн 20 мөл. солк. дохуоттаах киһиэхэ – 18 %
20 мөл.-тэн 50 мөл. солк. дохуоттаах киһиэхэ – 20 %
50 мөл. солк. тахса дохуоттаах киһиэхэ – 22 %
Бу уларыйыылар 2025 сыл тохсунньу 1 күнүттэн киириэхтэрин сөп дииллэр.
Сообщить об опечатке
Текст, который будет отправлен нашим редакторам: