Хаартыска «Биир ньыгыл Арассыыйа» баартыйа пресс-сулууспатыттан
«Биир ньыгыл Арассыыйа» баартыйа Генеральнай Сэбиэтин Президиума көҕүлээбит «Норуот дьокутаата» күрэстэһиитэ фракциялар дьокутааттарын олохтоох таһымҥа үлэлэрин хаачыстыбатын үрдэтэргэ уонна бастыҥ практикалары быһаарарга туһуланар.
Саха Өрөспүүбүлүкэтигэр күрэстэһиини баартыйа Саха сиринээҕи салаатын сэкиритээрэ Айсен Николаев Алдаҥҥа үлэлиир сырыытын кэмигэр саҕалаабыта.
Күрэстэһии суолтата муниципальнай дьокутааттар күн ахсын дьон тус суолталаах боппуруостарын быһаарыынан дьарыктаналларынан, былаас уонна нэһилиэнньэ быһаччы сибээһин хааччыйалларынан быһаарыллар. Тэрээһин былаас бэрэстэбиитэллэрин аптарытыаттарын үрдэтиигэ уонна быыбардааччылар эрэллэрин бөҕөргөтүүгэ көмөлөһөр.
«Биһиги муниципальнай дьокутааттарбыт тус сыраларынан улахан үлэни оҥороллор. Кинилэр үтүөлэрин өйөөһүн уонна билии-көрүү быыбардааччылары кытта эрэли салгыы бөҕөргөтүүгэ уонна бииргэ үлэлииргэ наада. «Норуот дьокутаата» күрэстэһии норуот интэриэһин дьиҥнээхтик көмүскүүр киһини билиниигэ көмөлөһүөҕэ», — диэн «Биир ньыгыл Арассыыйа» баартыйа Саха сиринээҕи ситэриилээх кэмитиэтин салайааччыта Надежда Селютина иһитиннэрдэ.
Санатан суруйдахха, «Биир ньыгыл Арассыыйа» баартыйа «Норуот дьокутаата» күрэстэһиини биллэрэр. Күрэстэһии «Биир ньыгыл Арассыыйа» баартыйа фракциятын дьокутааттарын быыбардааччылары кытта үлэтигэр бастыҥы быһаарар сыаллаах ыытыллар.
Кимнээх кыттыахтарын сөбүй?
Күрэхтэһии кыттааччыларынан маннык муниципальнай тэриллиилэр бэрэстэбиитэллээх уорганнарын дьокутааттара буолуохтарын сөп:
Куорат уонна тыа сирин нэһилэктэрин, муниципальнай улуустар, куорат уокуруктарын, РФ субъектарын административнай кииннэрин дьокутааттара. Онуоха быйылгы 2025 сыллааҕы Биир кэлим куоластааһын күнүгэр кинилэр быыбар ыытыллыбат буоллаҕына эрэ кыттыахтарын сөп.
Докумуоннары электроннай аадырыска ыытыахха сөп: sakhaedinros@mail.ru
Кыайыылааҕы талыыга аһаҕас куоластааһын 2025 сыл атырдьах ыйын 20 күнүттэн балаҕан ыйын 20 күнүгэр диэри сайтка ыытыллыа: www.ideputat.er.ru
Күрэстэһиигэ кыттыы туһунан, балаһыанньатын саайтка көр: www.ideputat.er.ru.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…