ЯСИА хаартыската
Бүтэһик ыйдарга демографическай киирисис тиэмэтэ уопсастыбаҕа инники күөҥҥэ таҕыста.
Манна ордук чайлдфри идеологиятын пропагандалааһын бобуллуутун, ону тэҥэ оҕото суохтарга нолуогу киллэрии үөрэтиллэр. Судаарыстыбаннай Дуумаҕа балаҕан ыйыгар киирбит сокуон барылынан дьокутаттар оҕото суохтарга нолуогу киллэриэхтэрин баҕараллар.
«Маннык нолуогу киллэрии демографическай кыһалҕалары быһаарбатаҕын иһин, оҕо төрөөһүнүн боппуруоһугар психологическай мэһэйдэри уһуларга сөптөөх хамсааһын буолуон сөп. Бу ордук эдэр саастаах дьахталларга, кыргыттарга сыһыаннаах», — диир дьокутаат Евгений Марченко.
Арассыыйатааҕы судаарыстыбаннай социальнай университет оҕо төрөөһүнүн үрдэтэр сыалын ситиһэргэ улахан чинчийиини ыытта. Учуонайдар маннык түмүккэ кэллилэр. Маннык нолуогу оҕото суох эр дьоҥҥо 45-гэр диэри уонна дьахталларга 21 саастарыгар диэри киллэриини дьүүллэһэллэр. Оччотугар нолуоктан киирбит харчыны үс уонна онтон элбэх оҕолоохторго көмө курдук аныахтарын баҕараллар.
Ыйытыы түмүгүнэн Арассыыйа олохтоохторун 87%-на бу нолуогу киллэриини утараллар, олортон 61%-на кытаанахтык утарсар, онтон 26 % быһаарына илик. Дьахталлар эр дьону кытта тэҥнээтэххэ олус ордук утараллар.
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
СӨ Ил Дархана Айсен Николаев тохсунньу 9 күнүгэр Дьокуускайга 253 үөрэнээччилээх 1 №-дээх орто оскуола…
Ааспыт сыл сэтинньитигэр онкология өрөспүүбүлүкэтээҕи диспансерын устуоруйатыгар киирэр түгэн — плазмосорбция процедурата оҥоһулунна. Анестезиология, реанимация…
Суукка иһигэр өрөспүүбүлүкэҕэ икки буруйу оҥоруу тахсыбыта бэлиэтэннэ. Бу туһунан СӨ Борокуратуурата иһитиннэрэр. Дьокуускай куоракка…
Оҕолору анал кириэһилэтэ суох таһыы иһин ыстараап икки бүк кэриҥэ улаатар. Ол курдук, тохсунньу 9…
Бу күннэргэ Тымныы полюһунан аатырар Өймөкөөн нэһилиэгэр туристар үгэс быһыытынан тоҕуоруһа мусталлар. Тымныы хаһаайынын --…