Арассыыйаҕа «саат-суут дуоската» баар буолла

Дойдуга алимеҥҥа иэстээхтэр аһаҕас испииһэгэ баар буолла. Испииһэк ыам ыйын 25 күнүттэн үлэлиэҕэ.

Бу испииһэккэ холуобунай эбэтэр административнай эппиэтинэскэ тардыллыбыт иэстээх дьон тустарынан дааннайдар киириэхтэрэ, эбэтэр көрдөөһүҥҥэ сылдьар дьон испииһэгэ суруллуоҕа. Маннык дьон үксүн официальнайдык үлэлээбэттэр, регистрацияламмакка олороллор, дохуоттарын кистииллэр.

Арассыыйаҕа быһа барыллаан 100 тыһыынча киһиэхэ холуобунай дьыала көбүтүллүбүт, оттон 54 тыһыынча киһи холуобунай дьыалаҕа сыһыаннаахтарынан буолаллар. Ол туһунан Петербургдааҕы юридическай пуорумҥа РФ Юстицияҕа миниистирин бастакы солбуйааччы Евгений Забарчук иһитиннэрбит.

Забарчук этэринэн, аһаҕас испииһэк үлэҕэ киирдэҕинэ балаһыанньа төрдүттэн уларыйыахтаах. «Хас биирдии үлэ биэрээччи саҥа үлэһити үлэҕэ ыларыгар, «маннык киһини кытта сибээстэһэр наадалаах дуо?» диэн толкуйданыа» » — диир кини.

Ону таһынан, Забарчук санаатынан бу испииһэккэ киирбит дьону кытта ыал буолууга былааннааччы сөптөөх быһаарыыны ылынарыгар  туһалыахтаах