Социальнай архитектордар куонкурустара РФ Бэрэсидьиэнэ Владимир Путин сорудаҕынан ыытыллар. Социальнай суолталаах бырайыактары олоххо киллэриигэ, ону тэҥэ олору олоххо киллэрэр дьону быһаарарга аналлаах.
Билиҥҥитэ кыттааччылары регистрациялааһын бара турар. Быйылгы сыл бастакы үс ыйыгар куонкуруска сүүмэрдиир түһүмэх ыытыллыаҕа. Кыттааччылар бастаан кэлим тургутугу, ону тэҥэ бэйэлэрин туһунан анкетаны толоруохтара диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Бастакы түһүмэххэ бастыҥ көрдөрүүлээх кыттааччылар иккис кыбаарталга финалга көрсүөхтэрэ. Кинилэр онно «Сенеж» салайыы мастарыскыайын баазатыгар Бэрэсидьиэн академиятынан олоххо киирэр анал үөрэх бырагырааматыгар киирсэр хонтуруолунай тургутугу ааһыахтара.
«Күрэхтэһии кэмигэр, бастатан туран, биһиги идэлээх буолууну сыаналыы сатыахпыт. Түмүккэ, бу бары дьарыктары холбуур үөрэх бырагыраамата баар буолуоҕа. Үөрэх бырагыраамата сүрүннээн сорох салааларга, эрэгийиэннэргэ уонна уопсастыбаннай интэриэстээх хайысхаларга олоххо киллэриигэ олоҕуруоҕа», — диэн «ЭИСИ» АНО салайар дириэктэрэ Фирдус Алиев кэпсээтэ.
Тэрийээччилэр этэллэринэн, социальнай архитектордар диэн сүрүн социальнай кыһалҕалары быһаарарга туһуламмыт социальнай бырайыактары уонна хамсааһыннары бырайыактыыр уонна олоххо киллэрэр идэтийбит дьон буолаллар. Социальнай архитектура өйдөбүлүн чэрчитинэн, кинилэр араас социальнай бөлөхтөр, тэрилтэлэр уонна бырабыыталыстыба структураларын икки ардыларыгар көдьүүстээх сибээһи үөскэтиигэ көмөлөһөн, тэрийээччи быһыытынан үлэлииллэр.
Куонкуруска араас идэлээх исписэлиистэр – тэрийээччилэртэн саҕалаан медиа-менеджердэргэ уонна интэриниэт-технологтарга тиийэ кыттыахтарын сөп. Сайаапкалары 2025 сыл тохсунньу 14 күнүттэн олунньу 11 күнүгэр диэри социальныеархитекторы.рф. саайтка ытыаххытын сөп.
Өрөспүүбүлүкэ киин куоратыгар уопсастыбаннай тырааныспары кыстыкка бэлэмниир үлэ бара турар. Уопсайа 345 кэриҥэ тиэхиньикэ тымныы…
2025 сылга Саха сиригэр "Земскэй култуура үлэһитэ" федеральнай бырагырааманан 11 улууска 11 кубуота көрүллүбүтэ. Бастакы…
Арассыыйа Сэлиэстийэлиир кэмитиэтин Саха сиринээҕи салаатын Дьааҥы оройуоннар икки ардыларынааҕы силиэстийэлиир отделынан 45 саастаах эр…
«Черскэй бөһүөлэгин баһылыгын дуоһунаһыгар анал байыаннай дьайыыга кыттыбыт икки дьоһуннаах хандьыдаат туруоруммуттара. Быыбар кыайыылааҕынан Петр…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саха Өрөспүүбүлүкэтин Ил Дархана Айсен Николаев «Быһа лииньийэтигэр» ыытыллыбыт сылларыгар олохтоохтортон 10 тыһыынчаттан тахса ыйытыы…