Арассыыйаҕа тимир көлөнү оҥорор баазаны саҥардыахтара

Арҕааттан биллэр араас хабааннаах сааҥсыйалар киирэннэр олохтоох оҥорон таһаарыыга күүстээх болҕомто ууруллар.  Кэлиҥҥи кэмҥэ РФ бырамыысыланнаска министиэристибэтэ уонна олохтоох хампаанньалар тимир көлөнү оҥорууга болҕомтолорун күүскэ ууран эрэллэрэ махталлаах дьыала. 

Владимир Путин быһа эпиир кэмигэр ити хайысхаҕа сөптөөх баазаны уонна платформаны бэлэмнииргэ эттэ.  «Арассыыйаттан европейскай, японскай, соҕуруу корея бреннара барыахтарыттан олохтоох бэйэ баазатын тэрийии, сайыннарыы  боппуруоһа күүскэ  турда. «АвтоВАЗ» билиҥҥи туругунан элбэх ахсаанынан оҥорууну кыайа тутар.  Онон билиҥҥи биһиги сорукпутунан бэйэбит баазабытын саҥардыы буолар. Манан тустаах министиэристибэ дьарыктанар», – диэтэ Владимир Путин.

Санатар буоллахха, олохтоох ырыынакка Саха сиригэр бэрэбиэркэни ааспыт кыһыҥҥы көлөһөлөр  атыыга тахсыахтара.