Дойду Бэрэсидьиэнэ Владимир Путин сорудаҕынан 2025 сыл тохсунньу 1 күнүттэн «Земскэй учуутал» уонна «Земскэй быраас» бырагыраамаларга сөп түбэһиннэрэн «Земскэй култуура үлэһитэ» бырагыраама олоххо киириэҕэ.
Бу туһунан СӨ Ил Дарханын уонна Бырабыыталыстыбатын пресс-сулууспата суруйар. Тыа сиригэр үлэлии тийбит исписэлиис 1 мөлүйүөн солкуобайдаах төлөбүрү ылыаҕа, оттон Уһук Илиҥҥэ икки төгүл үрдүк төлөбүрү — 2 мөлүйүөн солкуобайы.
Саха сирин Култуура министиэристибэтигэр иһитиннэрбиттэринэн, «Земскэй култуура үлэһитэ» бырагыраамаҕа кыттарга наадыйааччы 2030 сылга диэри 200-чэкэ киһиэхэ тэҥнэһэр. Исписэлиистэргэ билигин муниципальнай тэрилтэлэринэн олус наадыйаллар: оҕо ускуустубатын оскуолалара, култуурунай-сынньалаҥ тэрилтэлэрэ, бибилэтиэкэлэр, түмэллэр.
«Бу бырагыраама нэһилиэнньэҕэ анаан култуура эйгэтигэр өҥөнү оҥоруу хаачыстыбатын тупсарыыга көмөлөһөр. Эдэр уонна талааннаах исписэлиистэри тардыы олохтоох нэһилиэнньэ култуурунай олоҕун байытар, араас көрүҥнээх уонна тиийимтиэ буолар кыаҕы биэрэр. Ити эмиэ олохтоох нэһилиэнньэ араас култуурунай бырайыактарыгар көхтөөхтүк кытталларыгар көмөлүүр. Ону сэргэ тыа сириттэн эдэр исписэлиистэр улахан куораттарга көһөн барыыларын аччатар соругу быһаарар», — диэн быһаарда судаарыстыбаннай сулууспа уонна персоналы салайыы управлениетын кылаабынай исписэлииһэ Алена Тихонова.
Бырайыак сүрүн соруга — тыа сиригэр үлэлииргэ култуура исписэлиистэрин тардыы. Бырагыраамаҕа тус сыаллаах үрдүк үөрэх кыһатын выпускниктара да, уопуттаах исписэлиистэр да кыттыахтарын сөп. Онуоха сүрүн ирдэбил — орто идэлээх эбэтэр үрдүк үөрэх.
Мэдиссиинэ национальнай киинин Перинатальнай киинигэр алтынньы 23 күнүгэр ийэлэри уонна аҕыс саҥа төрөөбүт оҕону үөрүүлээхтик…
«ВИС» бөлөх тутааччылара үс тимир ураһаттан биирин туруорар үлэтин түмүктээтилэр. Дьокуускайга үс ураһалар билигин тутулла…
Бу күннэргэ М. Лукачевскай "Триумф" диэн киинэтэ киэҥ араҥаҕа таҕыста. Чулуу бөҕөстөрбүт 1976 сыллааҕы Олимпиадаҕа…
“Б8” акселерационнай бырагыраама Саха сирин уонна Казахстан оонньууну оҥорооччуларын түмтэ. Үс нэдиэлэ устата 35 сайаапка…
Госдуума дьокутаттара иккис уонна үһүс бүтэһиктээх ааҕыыга патогеннай микроорганизмнары контрабанданан дойдуга киллэрии уонна куттал суох…
Айсен Николаев анал байыаннай дьайыы зонатыгар оробуочай сырыытын кэмигэр ДНӨ уонна ЛНӨ Саха сирин тирэх…