Арассыыйаҕа улаатан эрэр оҕолору үлэлэтэллэрэ көҥүллэннэ

РФ Бэрэсидьиэнэ Владимир Путин үлэ биэрээччилэр 14-тэн 18-гар диэри саастаах оҕолору сайыҥҥы сынньалаҥ кэмигэр өрөбүл күннэргэ эбэтэр бырааһынньык күннэргэ үлэлэтэллэрин көҥүллүүр туһунан сокуоҥҥа илии баттаата.

“Сокуон быһыытынан үлэ биэрээччигэ оҕолору өрөбүллэргэ, бырааһынньык күннэригэр, судаарыстыбаннай өйөбүлүнэн туһанар федеральнай эбэтэр эрэгийиэннээҕи ыччат, оҕо түмсүүлэригэр киирбит устудьуоннар этэрээттэригэр үлэлэтэригэр быраап бэрилиннэ”, — диэтэ сенатор Наталия Косихина.

Сенатор урут РФ Үлэҕэ кодексатынан 18 саастарыттан кыра саастаахтары үлэлэтэргэ хааччахтааһыннар баалларын, оҕолору үлэ чааһын таһынан үлэлэтэр бобуулаах этэ диэн быһаарда.

Федеральнай сокуон 2025 сыл балаҕан ыйын 1 күнүттэн күүһүгэр киирэр.