Арассыыйаҕа “ВОИН.КИНО” бырайыак саҕаланна

“ВОИН” Киин саайтыгар Аҕа дойду Улуу сэриитин уонна байыаннай дьайыы туһунан документальнай, уус-уран киинэлэрдээх, сериаллардаах, “Мосфильм кыһыл көмүс коллекцията”, RT.Док баар салаата үлэтин саҕалаата.

Испииһэккэ 33 уус-уран уонна документальнай киинэ баар.

Бу — киинэ көмөтүнэн эдэр көлүөнэни Ийэ дойдуга бэриниилээх буола улаатарга, сулууспалыырга, көмүскүүргэ үөрэтэр бырайыак буолар.

“ВОИН” Киин бырабылыанньатын бэрэссэдээтэлэ бэлиэтээбитинэн, “ВОИН.КИНО” “Эдэр дьоруойдар кэмнэрэ” сайыҥҥы бырагыраама сорҕотунан буолбут. Манна дойду бары муннугуттан улаатан эрэр оҕолор кэлэн байыаннай ньымаларга үөрэнэллэр, снайпинг куурсун ааһаллар, Арассыыйа Дьоруойдарын, бэтэрээннэри кытта көрсөллөр, судаарыстыба символларын үөрэтэллэр.

“ВОИН” Киин хамандыыра, Арассыыйа Дьоруойа Андраник Гаспарян тоһоҕолоон эппитинэн, “ВОИН.КИНО” бырайыагы курсааннар бастакы ыйтан сөбүлээбиттэр.

Күн бүгүн 5,7 тыһ. тахса курсаан 21 эрэгийиэҥҥэ патриотическай киинэлэри көрдө. Хас биирдии киинэ кэнниттэн оҕолор санааларын үллэстэллэр, диэн иһитиннэрэр Ил Дархан, бырабыыталыстыба пресс-сулууспата.