Арассыыйаҕа үлэ күнэ кылгыырын туһунан иһитиннэрдилэр

Арассыыйа олохтоохторугар үлэ күнүн уһуна сэттэ чаас 20-25 мүнүүтэҕэ диэри кылгыан сөп. Маннык сабаҕалааһыны «Опора России» вице-бэрэсидьиэнэ Дмитрий Пищальников эттэ.

«Бары сибикилэр көрдөрөллөрүнэн, уларыйыы 2025 сыл иккис аҥаарыгар салҕаныаҕа. Экэниэмикэ үүнүүтэ суох буолар түгэнигэр, үлэ күнүн орто уһуна 7 чаас 20-25 мүнүүтэҕэ диэри кылгыан сөп», — диэн Пищальников эттэ. Кини тылларын «Газета.Ru» иһитиннэрэр.

Итинтэн сиэттэрэн гибкай кыраапыкка көһүү ахсаана элбиэҕэ, оттон дохуоттара аҕыйыыр үлэһиттэр ахсааннара 40%-тан тахсыан сөп. Росстат иһитиннэриитинэн, 2025 сыллаахха үлэ күнүн орто уһуна 7 чаас 32 мүнүүтэ буолла. Бу көрдөрүү 2024 сыллааҕы көрдөрүүнү кытта тэҥнээтэххэ 10 мүнүүтэнэн аҕыйах. Урут Госдуумаҕа биэс күннээх үлэ нэдиэлэтигэр бээтинсэҕэ үлэ күнүн биир чааһынан кылгатар туһунан этии киллэрэ сылдьыбыттара.