Хаартыска: СИА
Дойду бырабыыталыстыбата ынах арыытын сыанатын хонтуруолга ылыаҕа. Бу туһунан Бырабыыталыстыба бэрэссэдээтэлин солбуйааччы Дмитрий Патрушев үрүҥ ас бородууксуйатын оҥорон таһаарааччылары, бөдөҥ атыы- эргиэн тэрилтэлэрин уонна интэриэстээх биэдэмистибэлэр бэрэстэбиитэллэрэ кыттыылаах мунньаҕы ыытта.
Ити курдук сыананы билиҥҥи кээмэйинэн хаалларар сыаллаах кэккэ дойдулартан ынах арыытын атыылаһан киллэриини күүһүрдүөхтэрэ. «Ол эрээри, бу олохтоох оҥорон таһаарыы бородууксуйатын тиһигин улаатыннарар соругар мэһэйдиэ суохтаах. Үрүҥ ас – агробырамыысыланнас социальнай суолталаах хайысхата. Ону өйдөөн, дойду бырабыыталыстыбата оҥорон таһаарааччыларга уонна бааһынай хаһаайыстыбаларга судаарыстыбаннай өйөбүл араас көрүҥүн киллэрэр», — диэн бэлиэтээтэ Дмитрий Патрушев. Ол иһигэр чэпчэтиилээх атыы-эргиэн уонна инвестиционнай кирэдьиит, лизинг, холбоһуктаах субсидия чэрчитинэн дьаһаллар ылыллан үлэлииллэр. Манна даҕатан, бырабыыталыстыба оҥорон таһаарыы бытаарыытын түргэтэтэргэ, кээмэйин улаатыннарарга үлэлиир.
Вице-премьер ынах арыыта хайаатар да маркировкаланыахтааҕын бэлиэтээтэ. Оччотугар оҥоһуллубут күнүттэн ханна атыыламмыт сиринэн сыанатын көрөн хонтуруоллуурга көмөлүүр. Ити курдук сыана уларыйыытын кэтээн көрөр кыаҕы биэрэр. Мунньах түмүгүнэн тус биэдэмэстибэлэринэн ис ырыынакка үрүҥ ас, чуолаан ынах арыытын сыанатын хонтуруолга ыларга кэккэ сорудахтар бэрилиннилэр. Бу туһунан дойду бырабыыталыстыбатын пресс-сулууспата суруйар.
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа сибээһи ыытыаҕа. Судаарыстыба баһылыга…
Арассыыйаҕа кутталлаах ыарыыта суоҕун туһунан ыспыраапканы сымыйанан оҥоруу иһин холуобунай эппиэтинэһи киллэриэхтэрин сөп. Бу туһунан…
“Кыһыҥҥы сынньалаҥҥа оҕолор хас күн өрүүллэр?” – диэн төрөппүттэр ыйытыыларыгар РФ Үөрэҕириитин министиэристибэтэ бу курдук…
Арассыыйа бааннарын үгүс өттө, Киин Баан сүрүн ыстаапкатын боппуруоһугар кэлэр мунньаҕар диэри, ипотека ыстаапкатын намтатыыны…
Зеленскэй Донбасстан сэриитин таһаарарын утарар. Ол эрэн АХШ Украина куттала суох буолуутун мэктиэлиирин туруорсар. НАТО-ҕа…