Арассыыйаҕа «Зарница 2.0» байыаннай-патриотическай оонньуу саҥа сезона саҕаланна

Быйыл оонньууга орто анал үөрэх устудьуоннарыгар саҥа категория киирдэ.

Арассыыйа үрдүнэн «Зарница 2.0» легендарнай байыаннай-патриотическай оонньуу саҕаланна. Быйыл оонньууга 18-тан 21-гэр диэри саастаах орто анал үөрэхтээһин устудьуоннарыгар саҥа категория киирдэ. Ону тэҥэ этэрээт састаабыгар  топограф оннугар иккис штурмовик баар буолуоҕа, диэн “Бастакылар хамсааһыннара” эрэгийиэннээҕи салаа пресс-сулууспата иһитиннэрэр.

“Көҕүлээһин сүрүн сыалынан ыччакка патриотическай иитии систиэмэтин тупсарыы, дойду иннигэр иэһи төлөөһүн өйдөбүлүн уонна култуурунай-билим нэһилиэстибэтигэр тапталы үөскэтии буолар”, — диэн биэдэмистибэ пресс-сулууспата эттилэр.

Тэрийээччилэр этэллэринэн, этэрээккэ 10 киһи киирэр, биир үөрэх кыһатыттан хас да хамаанда туруон сөп.

Оонньууга өрөспүүбүлүкэ араас муннуктарыттан оскуола оҕолоро да, устудьуоннар да кытталлар. Бырайыакка кыттарга сайаапканы оонньуу зарница.будьвдвижении.рф. официальнай саайтын нөҥүө биэрэҕит.