Хаартыска: ЯСИА
Өрөспүүбүлүкэ киинигэр сэтинньи 8-9 күннэригэр күрэхтэһэр пилота суох көтөр аппарааттарга Саха сирин Куубага ыытыллара былааннанар.
Кыайыылаахтар уонна миэстэлэспиттэр Арассыыйатааҕы Куубагар кыттар эрэгийиэн хамаандатын састаабыгар киириэхтэрэ. Бу туһунан СӨ бырабыыталыстыбатын бэрэссэдээтэлин солбуйааччыта Анатолий Семенов ТГ-ханаалыгар иһитиннэрдэ.
Күрэхтэһиини икки былаһаакканан ыытарга былаанныыллар: сэтинньи 8 күнүгэр «ВОИН» киин баазатыгар 75 мм кылаастаах дроннарга, оттон сэтинньи 9 күнүгэр Дьокуускайдааҕы сибээс уонна информационнай технологиялар кэллиэһигэр «Техническэй симулятор» дисссипилиинэҕэ күрэхтэһиилэр буолуохтара.
Хас биирдии көрүҥҥэ наҕараадалар эр дьон уонна дьахталлар икки ардыларыгар бастыыр иһин уонна хамаанданан киирсиигэ оонньонуохтара. Кыайыылаахтар уонна миэстэлэспиттэр ахсынньыга Москва куоракка ыытыллар дрон күрэҕэр Арассыыйатааҕы Куубагар Саха сирин аатыттан кыттар кыаҕы ылыахтара.
Дрон күрэҕэр Саха сирин Куубагар 14 саастарыттан үөһэ саастаах кэскиллээх оператордар кыттыахтара. Күрэхтэһии өрөспүүбүлүкэ бастакы бэрэсидьиэнигэр Михаил Николаевка анаммыт Саха сиринээҕи Инновация күнүн тэрээһиннэрин чэрчитинэн ыытыллар. Куубагы Саха сирин Дрон күрэҕин федерацията, «ВОИН» киин филиала, «Якутия» технопарк уонна Дьокуускайдааҕы сибээс уонна информационнай технологияларга кэллиэһэ тэрийэн ыыталлар.
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…