Арассыыйатааҕы энэргиэтикэ нэдиэлэтин иитинэн  Судаарыстыбаннай сэбиэт мунньаҕа буолла

Арассыыйатааҕы Судаарыстыбаннай сэбиэт “Энэргиэтикэҕэ” хамыыһыйатын мунньаҕа буолан ааста. Тэрээһин дойду эрэгийиэннэригэр уот ситимин комплекса эрэллээхтик уонна көдьүүстээхтик үлэлиирин үрдэтиигэ туһаайылынна.

Мунньах аһыллыытыгар хамыыһыйа салайааччыта, СӨ Ил Дархана Айсен Николаев тустаах салаа иннигэр турар турар сүрүн ирдэбиллэри бэлиэтээтэ. “Уот ситимин холбоһугун туругуттан дьон олоҕун тупсуута, экэниэмикэ сайдыыта быһаччы тутулуктаах” – диэн кини бэлиэтээтэ. Уоту туһаныы үксээбитинэн, ситимнээх тэрил эргэриитэ олус үрдүгүн, ити дойду үрдүнэн ортотунан 73% тэҥнэһэрин, сорох эрэгийиэннэргэ 85% кытта тиийэрин хамыыһыйа баһылыга ыйда.

Мунньах кыттыылаахтара болҕомтону былырыын саҕаламмыт электросетевой комплексы уларытыыга, ол иитинэн миэстэтигэр ситимнээх тэрилтэ систиэмэтин олохтооһуну (СТСО) тэрийиигэ уурдулар.

“Уоту туһаныы үрдээн иһиитин хааччыйарга 2042 сылга диэри электроэнэргиэтикэ эбийиэктэрин тутуу, саҥардыы былааннанар. Генеральнай былааҥҥа олоҕуран, 2042 сылга Арассыыйаҕа 88 гигаватт уопсай кыамталаах саҥа эбийиэк тутуллуохтаах, манна 44 трлн. солк. үбүлээһин ирдэнэр. Онон, уот ситимин холбоһугун эрэлин үрдэтии боппуруоһа саҥа эбийиэктэри тутуунан эмиэ быһаарыллар итиэннэ үбүлээһин боппуруоһун быһаарыы соруга турар” – диэн Айсен Николаев эттэ. Бу соруктары олоххо киллэрэргэ дойду Экэниэмикэтин министиэристибэтэ стратегическай сокуон барылын бэлэмнээбит.

Бу туһунан Ил Дархан уонна Бырабыыталыстыба пресс-сулууспата суруйар.