Арассыыйатааҕы куонкуруска Саха сирэ бастаан иһэр

Бэһис сылын  «Смотри, это Россия!» Бүтүн Арассыыйатааҕы куонкурус ыытыллар. Куонкуруска үөрэнээччилэр видеонан аккырыыкка оҥорон ыыталлар. Куонкуруска Арассыыйа 89 эрэгийиэниттэн барытыттан сайаапкалар киирдилэр. 

Кэнники үс нэдиэлэ устата Саха сирэ сайаапкатын ахсаанынан бастаан иһэр. Бүгүҥҥү күҥҥэ Саха сириттэн 105 хамаанданы ыытарга былаанныыллар.

Иккис миэстэҕэ Крым тахсан, 64 хамаанданы ыытар былааннаах.

Үһүс миэстэҕэ Донецкай Өрөспүүбүлүкэ тахсан, 61 хамаанданы ыытыахтаах.

Мантан салгыы:

4-с миэстэ: Красноярскай кыраай – 44;

5-с миэстэ: Ханты-Мансийскай уокурук – Югра – 39;

6-с миэстэ: Ростовскай уобалас – 31;

7-се миэмтэ: Тюменскай уобалас  – 29;

8-с миэстэ: Новосибирскай уобалас – 27;

9-с миэстэ: Кемеровскай уобалас  – 26;

10-с миэстэ: Санкт-Петербург – 23.

Тэрийээччилэр этэллэринэн, билигин да аҕыйах күн баар, онон хамаанда ахсаана өссө эбиллиэҕэ.

Куонкурус сүрүн сыала —  үөрэнээччилэр төрөөбүт  дойдуларын устуоруйатыгар интэриэстэрин улаатыннарыы, ис туризмы сайыннарыы уонна оҕолору патриотическай иитии. Быйыл эдэр режиссердар үлэлэрэ Улуу Кыайыы 80 сылыгар ананар.

Сотору эдэр видеографтар үлэлэрин уопсай куоластааһыҥҥа таһаарыахтара. Куоластааһын ахсынньы 7-17 күннэригэр ыытыллар. Арассыыйа олохтоохторо бастыҥнары талыахтара, оттон дьүүллүүр сүбэ — анал ааттар кыайыылаахтарын. Кыайбыт хамаандалар сыаналаах бириистэринэн наҕараадаланыахтара.

Сиһилии куонкурус саайтыттан билсиэххэ сөп: www.lookitsrussia.ru

Ил Дархан, бырабыытлаыстыба пресс-сулууспата.