Арассыыйатааҕы куонкуруска Саха сириттэн алта ыал кытынна

Бүтүн Арассыыйатааҕы «Сыл бастыҥ дьэ кэргэнэ» куонкурус — Дьиэ кэргэн сылын сүрүн тэрээһинэ. 2024 сылга куонкурус тохсус төгүлүн ыытылынна, 11 тыһыынчаттан тахса ыал сайаапкаласта.

Тэрийэр кэмитиэт эрэгийиэннээҕи куонкурустарга кыайбыт 388 ыалы талан ылан, 5 номинациянан кытыннарда:

— «Многодетная семья» — 87 ыал;

— «Молодая семья» — 70 ыал;

— «Сельская семья» — 79 ыал;

— «Золотая семья» — 74 ыал;

— «Семья — хранитель традиций» — 78 ыал.

Бүтүн Арассыыйатааҕы «Сыл бастыҥ дьэ кэргэнэ» куонкуруска 88 дьиэ кэргэн кыайыылааҕынан ааттанна.

Саха сириттэн эрэгийиэннээҕи түһүмэххэ кыайбыт алта дьиэ кэргэн кытыннылар.

«Семья — хранитель традиций» түһүмэххэ Муоматтан Василий, Елена Соловьевтар кыайыылаах буоллулар.

Онтон «Эдэр ыал» номинацияҕа норуот куоластааһыныгар Ньурба улууһуттан Валерия, Константин Владимировтар кыайдылар.

«Золотая семья» номинацияҕа Сунтаартан Розалия, Иннокентий Алексеевтар кытыннылар.

«Многодетная семья» номинацияҕа Намтан Валерий, Розалия Новгородовтар уонна Дьокуускайтан  Александр, Оксана Павловтар кытыннылар.

«Сельская семья» номинацияҕа Мэҥэ Хаҥаластан  Руслан, Марфа Сидоровтар өрөспүүбүлүкэни билиһиннэрдилэр.

«Семья – хранитель традиций» номинацияҕа өссө Елена Рязанская элбэх көлүөнэлээх, улахан дьиэ кэргэнэ кытынна (Амма улууһа).

Бүтүн Арассыыйатааҕы куонкуруһу РФ үлэҕэ, социальнай сайдыыга министиэристибэтэ, ыарахан балаһыанньаҕа түбэспит оҕолорго көмөлөһөр пуонда уонна эрэгийиэннэр ситэриилээх былаастарын уорганнара тэрийдилэр.

СӨ үлэ, социальнай сайдыы министиэристибэтэ.