Арассыыйатааҕы спецназ университета дойду оборуонатыгар улахан суолталаах

Владимир Путин Арассыыйатааҕы спецназ университетын үлэтин пресс-кэмпириэнсийэтин кэмигэр үрдүктүк сыаналаата.

«Арассыыйа оборуонатыгар Арассыыйатааҕы спецназ университета улахан суолталааҕын Бэрэсидьиэн сөпкө бэлиэтээтэ. Владимир Путин аатынан Арассыыйатааҕы спецназ университета «Воин» Киин инструктордарын бэлэмнээһиҥҥэ биир сүрүн элэмиэнинэн буолар. Эрэгийиэннээҕи кииннэргэ үлэлиир настаабынньыктар университекка үөрэнэллэр», — диэн «Воин» киин эрэгийиэннээҕи салаатын дириэктэрэ, норуодунай дьокутаат, «Барс-2» батальон хамандыыра, Эр санаа уордьан кавалера Василий Егоров этэр.

Бэрэсидьиэн Владимир Путин университекка Чечня эрэ исписэлиистэрэ буолбакка, бүтүн Арассыыйаттан кэлэн үөрэнэллэр диэн бэлиэтээн эттэ.

«Соторутааҕыта бу университекка «Воин» Саха сиринээҕи салаатын инструктордара үөрэммиттэрэ. Настаабынньыктар дьоҕурдарын сайыннарбыттара, курсааннары үөрэтэргэ ону туһаныахтара. Итиэннэ университекка Саха сирин иһитиннэрэр-биллэрэр маассабай сириэстибэлэрин байыаннай кэрэспэдьиэннэрэ үөрэҕи ааспыттара», — диэн Василий Егоров эттэ диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.