Хаартыска: "Анадолу" сайтыттан
РФ бэрэсидьиэнэ Владимир Путин Турция салайааччыта Реджеп Тайип Эрдоганы кытары кэпсэтиитигэр икки дойду туризмы сайыннарыыга биир былааннаахтарын иһитиннэрдэ.
Муус устар 27 күнүгэр Арассыыйа уонна Турция бэрэсидьиэннэрэ быһа эпиир нөҥүө “Аккую” диэн Турцияҕа бастакы атомнай электростанция аһыллыытыгар кытыннылар. Бу күн Арассыыйаттан станция бастакы блогар ядернай оттук кэллэ. Бу тутууну Арассыыйа “Росатом” хампаанньата салайан ыытар. Икки бэрэсидьиэн дойдулар экэниэмикэлэрин сайыннарыыга кэккэ санааларын эттилэр.
Туризм боппуруоһугар сыһыаран Владимир Путин бу хайысхаҕа Турцияны кытары үлэлэһии өссө кэҥиэҕин туһунан эттэ.
«Кэпсэтиигэ туризм боппуруоһун эмиэ таарыйдыбыт. Статистика көрдөрөрүнэн, Арассыыйаттан былырыын Турцияҕа биэс мөлүйүөнтэн тахса киһи сынньанан кэлбит. Мин санаабар, судаарыстыбалар икки ардыларыгар дьоҥҥо-сэргэҕэ табыгастаах усулуобуйа барыта тэриллиэхтээх. Ол иһин икки өттүттэн салгын тырааныспарынан көтүүнү элбэтэргэ дуогабардастыбыт», — диэн иһитиннэрэр Владимир Путин.
Турция култууратын уонна туризмын министиэристибэтин дааннайынан, былырыын Турцияҕа 51 мөлүйүөнтэн тахса киһи сынньаммыт.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…