Арбыҥҥа — «Аар айылҕабытын араҥаччылыаҕыҥ» өйдөбүнньүк

Бэҕэһээ, балаҕан ыйын 29 күнүгэр, Нам улууһугар  Арбын нэһилиэгэр үөрүүлээх бэлиэ күн буолла.

Ол курдук, нэһилиэк ытыктабыллаах, талааннаах уран тарбахтаахтара, өрөспүүбүлүкэҕэ биллэр норуот маастардара Раиса уонна Леонид Федоровтар дьиэ кэргэн «Аар айылҕабытын араҥаччылыаҕыҥ» диэн бэйэлэрэ эскизтээн оҥорбут өлбөөдүйбэт, дириҥ ис хоһоонноох өйдөбүнньүктэрин тапталлаах нэһилиэктэригэр бэлэх ууннулар!

Арбын нэһилиэгин олохтоохторо, Федоровтар,  өр сылларга ис дууһаларын, санааларын ууран оҥорбут бэлэхтэрин үрдүктүк сыаналыылларын биллэрэллэр. Арбын нэһилиэк аатын үрдүктүк тутан аатырда туралларынан киэн туталлар.

Талааннаах биир дойдулаахтарыгар, норуот маастардарыгар Раиса, Леонид Федоровтарга уонна кинилэр оҕолоругар улахан, истиҥ махталларын тиэрдэллэр.

«Нам улууһа» МО пресс-сулууспата