Арбыннар байыастар дьиэ кэргэттэригэр уонна аҕам саастаах дьоҥҥо көмөлөһөллөр

Арбын олохтоохторо, ыччаттара аҕам саастаах дьонноругар куруук көмөлөһөр үтүө үгэстээхтэр.

Бу күһүн нэһилиэккэ оскуола дириэктэрин иитэр улэҕэ солбуйааччы, кылаас салайааччыта Лариса Борисовна Саввина салайыытынан, үөрэнээччилэр биир дойдулаахтарыгар, байыастар дьиэ кэргэттэригэр уонна аҕам саастаахтарга хортуоппуй, оҕуруот аhын хомууругар көхтөөхтүк көмөлөспүттэрэ.

Арбын нэһилиэгин олохтоох дьаһалтата иһитиннэрбитинэн, сэтинньигэ муус ылыытыгар, идэһэ астааһыныгар көмөлөһөр былааннаахтар.

«Нам улууһа» МТ пресс-сулууспата