Саха сиригэр “Росгидромет” лабораториялаах сөмөлүөтэ кэлэн үлэлии сылдьар. Ыам ыйын 18 күнүттэн 4 эриэйсэни оҥордо диэн СӨ Быыһыыр сулууспатын салайааччы Иннокентий Андросов “Актуальное интервью” биэриигэ кэпсээтэ.
— Быйыл ардаҕы түһэриэх айылаах былыт аҕыйах. Онон зондировщик сөмөлүөт экипаһа оннук былыттары кэтэһэр. Ыам ыйын 26, 29 күннэригэр Сунтаар, Ньурба улуустарыгар тиийэ көтө сылдьыбыта. Бэс ыйын 3, 4 күннэригэр Өлүөхүмэ улууһугар үлэлээбитэ. Билигин Уус Маайа оройуонугар барыахтаах да, ардаҕы түһэриэх айылаах былыт суох. Онон бэһис маршрутун быһаарса сылдьабыт, — диэн кини эттэ.
“Як-40” зондировщик үлэлииригэр эрэгийиэннээҕи бүддьүөттэн 80 мөлүйүөн солкуобай көрүллүбүтэ. Былырыын бэс ыйыгар бэрэсидьиэн Владимир Путин өрөспүүбүлүкэҕэ эспэримиэн оҥорорго сорудахтаабыта. Атырдьах ыйын 22 күнүгэр эспэримиэн бүппүтүн туһунан иһитиннэрбиттэрэ.
— 2021 сыллаахха элбэх, улахан баһаардар буолбуттарын бары өйдүүбүт. Айсен Николаев онно бэйэбит зондировщик сөмөлүөттэнэрбит буоллар диэн эппитэ. Ону бэрэсидьиэн өйөөн, бу хайысханан үлэлээн барбыппыт. Былырыын “Як-42” сөмөлүөт үлэлээбитэ. “Росгидромет” киин аэрологическай обсерваториятын кытта сөбүлэһии түһэрсиллибитэ. Бу үлэ үчүгэй түмүктээх буолла. Онон былырыын ойуур баһаарын ахсаана үс төгүл, баһаар сиэбит сирин иэнэ – 14 төгүл кыччаабыта, — диэн Иннокентий Андросов иһитиннэрдэ.
Психолог сүбэтэ Ксения Ивашковская – Психоневрология өрөспүүбүлүкэтээҕи диспансерын килиниичэскэй психолога, дьиэ кэргэн психолога, консультант,…
Байыаннай дьайыы саҕаланыаҕыттан амарах санаалаах дьон, волонтердар күүс-көмө буолаллар, үгүстэрэ бэйэлэрин сүрүн үлэлэрин таһынан. Госпиталларга…
Өлүөнэ эбэ мууһа Кэбээйи, Нам, Уус Алдан улуустарынан устар. Нам улууһун сиригэр-уотугар 08:00 ч. иһитиннэриинэн,…
Нам улууһугар сааскы халаан уутуттан эмсэҕэлээбит нэһилиэнньэлээх пууннарга уу таһымын туһунан улуус дьаһалтатын пресс-сулууспата иһитиннэрэр.…
Улуу Кыайыы 79 сылынан Уус Алдан улууһун Суотту нэһилиэгэ ытык кырдьаҕастарыгар ас-үөл наборун туттарда. Ону…
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…