Хаартыска "Хотугу кыым" хаһыаттан
Айсен Николаев от ыйын 28 күнүгэр бырабыыталыстыба уонна дьаһалта салалтатын кытта былаанныыр мунньахха ардах халааныттан эмсэҕэлээбит дьоҥҥо ууга барбыт дьиэлэрин иһин биирдэ бэриллэр толуйууну үрдэтэр боппуруоһу түргэнник быһааралларыгар сорудахтаата.
Ил Дархан бу быһаарыыны Өймөкөөн улууһугар командировкаҕа сылдьан баран ылынна. Төлөбүр кээмэйэ 100 тыһ.солк-тан 200 тыһ. солкуобайга диэри үрдээтэ.
«Бастакы өйөбүл миэрэлэрэ олоххо киирэн эрэллэр, ол гынан баран көмө түргэнник уонна аадырыстаах оҥоһуллара улахан суолталаах», — диэн Айсен Николаев бэлиэтээтэ.
Атын улуустартан Өймөкөөҥҥө кэлэн үлэлии сылдьар тутуу биригээдэлэригэр, көмө оҥорор өрөспүүбүлүкэ олохтоохторугар махтанна.
Өрөспүүбүлүкэ баһылыга эмсэҕэлээбит улуустарга миниистирдэр солбуйааччыларын ыытар быһаарыыны сөптөөҕүнэн ааттаата.
«Кинилэр миэстэтигэр кэлэн көдьүүстээхтик үлэлээтилэр. Билиҥҥи түһүмэххэ сүрүн соругунан чөлүгэр түһэрэр үлэни тэрийии буолар. Былаан баар, матырыйааллар кэлэн эрэллэр, исписэлиистэр соруктары толорууга туруннулар», — диэн кини тоһоҕолоон бэлиэтээтэ.
Ил Дархан ууга барбыт сирдэргэ сырыыны хааччыйбыт суол үлэтин сулууспаларыгар ураты махталын биллэрдэ. Кини кыһыл көмүһү хостуур хампаанньалар чөлүгэр түһэриигэ эрдэттэн кыттыспыттарын, кинилэр көмөлөрө саамай сытыы боппуруостары түргэнник быһаарарга кыах биэрэрин бэлиэтээтэ.
Сылааһы хааччыйыы боппуруостара туспа дьүүллэһилиннилэр. Хас да нэһилиэнньэлээх пууҥҥа икки килэмиэтир кэриҥэ ититэр ситим өрөмүөннэниэн наада. Сылааһы хааччыйар систиэмэлэри толору бэрэбиэркэлииргэ уонна элбэх кыбартыыралаах дьиэлэри ититиигэ холбуур туһунан сайабылыанньалары чопчу оҥорорго дьаһал бэриллибит, диэн иһитиннэрэр Ил Дархан, бырабыыталыстыба пресс-сулууспата.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…