Ардах курдук таммалаатылар…

Мааскабын уһуллум.  Өндөйөн көрөөрү ньаспаҥнаан эрдэхпинэ, хаастарым көтөн күлүбүрэстилэр… Мин обургу олоро биэрдим да, алта уонча хаамыылаах сиргэ хааһыланан үөмэлэһэн эрэр үөрү ытан батыгыр-батыгыр гыннардым.  

Санаабар, ардах курдук таммалаатылар. Бэйэлэрин тыалларыгар оҕустаран мэтэриһэн  эрэллэрин эмиэ батыгыр-батыгыр гыннардым. Дьэ, доо, онно-манна ньалыар ууга хаас мөхсөр.  Икки хаас хойобуун хойуоллаҥнаһалларын биир-биир ииттэ-ииттэ сабыта ытыалаан ыллым. Ааҕыммытым — 6 хоҥор буолла.  “Дьэ, өтөрүнэн-наарынан ыппатахпын ытан, сэниэлээх соҕустук хадьырыйан ыллым ээ”, — диэтим.

Дьөгүөр Һэрэмээт, Садын сирэ.