Ардахтар мэһэйдииллэр

Оттооһун тэтимнээхтик саҕаланан иһэн, кэлэ-кэлэ түһэр ардахтартан харгыстанар.

Нам улууһугар от ыйын 28 күнүнээҕи чахчынан, 536 тыраахтар, 370 звено, 792 киһи ходуһаҕа үлэлии сылдьаллар.

— Улуус быйылгы окко былаана 27533 туонна этэ.  Отчуттар 3895 гектар иэннээх сири оҕустардылар. Онон 3161 туонна оту кэбистилэр. Билиҥҥи туругунан, ардахтар түһэннэр, бытаарыы таҕыста, — диэтэ улуус кылаабынай агронома Сардана Новгородова.