Киин куоракка эр киһи куортамнаабыт кыбартыыратыттан икки тэлэбиисэри уоран атыылаабыт

Дьокуускайга полиция үлэһиттэрэ куортамнаабыт кыбартыыраттан уоран икки тэлэбиисэри атыылаабыт  28 саастаах эр киһини туппуттар.

33 тыһыынча солкуобай суумалаах икки тэлэбиисэр сүппүтүн дьиэ хаһаайына  дьиэтин көрөр-истэр кэмигэр быһаарбыт.

Кэлин биллибитинэн, уорууга кыттыгастаах Кэбээйи оройуонун урут сууттана сылдьыбыт дьиэни куортамнаабыт эр киһи буолара быһаарыллыбыт.

Уорбаланааччы быһаарбытынан, эр киһи өр кэм устата арыгы испит, оттон харчыта бүппүтүн кэннэ икки тэлэбиисэри уоран, ааһан иһэр дьоҥҥо атыылаабыт. Харчыны тус наадатыгар ороскуоттаабыт.  Холуобунай дьыала тэрилиннэ, эр киһи биэс сылга диэри көҥүлэ быһыллыан сөп, диэн  ИДьМ пресс-сулууспата иһитиннэрэр.