Хаартыска: Галина Мозолевская, ЯСИА
Саха сирин синоптиктарын сабаҕалааһыннарынан, бүгүн, тохсунньу 14 күнүгэр, өрөспүүбүлүкэ хотугулуу-арҕаа уонна арҕаа улуустарыгар сөҥүүтэ суох тымныы күн-дьыл буолара күүтүллэр. Түүн салгын температурата -49…-54°, намыһах сирдэргэ -59° кыраадыска диэри тымныйыа. Бу туһунан УГМС саайта иһитиннэрэр.
Күнүһүн -44…-49°, намыһах сирдэргэ -49…-54° кыраадыс буолуо. Өрөспүүбүлүкэ атын улуустарыгар кыралаан хаардыыр, оттон киин, соҕуруу, Уус-Маайа улуустарыгар сорох сиринэн хаардыыр. Кыра тыаллаах, Арктика кытылыгар тыал сөкүүндэҕэ 7-12 м тиийэ күүһүрүө, силлиэ түһэр, Нерюнгри оройуонугар сорох сиринэн тыал сөкүүндэҕэ 15-18 м тиийэ күүһүрэр, тибиилээх.
Салгын температурата түүнүн -33…-38°, халлаан ырааһырдаҕына -40…-45°, соҕуруулуу-илин -22…-27° кыраадыс тымныы. Күнүһүн -29…-34°, соҕуруулуу-илин -22…-27°, сорох сиринэн -13…-18°, хотугулуу-илин -33…-38° кыраадыс тымныы буолуо.
Дьокуускайга түүнүн салгын температурата -35…-37°, күнүһүн -31…-33° кыраадыс. Хаардыыр, тыал хотугулуу-арҕааттан сөкүүндэҕэ 2-7 м түргэннээх.
Саха сирин сорох улуустарыгар бу нэдиэлэҕэ нуорматтан таһынан сылаас күн-дьыл буолара сабаҕаланар. Уус-Маайа улууһугар салгын…
Кэбээйи улууһун борокуратуурата Сангаар бөһүөлэгин олохтооҕун утары холуобунай дьыалаҕа буруйдуур түмүгү бигэргэттэ. Кини РФ Холуобунай…
Үлэ киниискэтигэр сыыһа-халты суруйуу биэнсийэҕэ тахсар болдьоҕун хойутатар. Бу туһунан Арассыыйа үтүөлээх юриһа Иван Соловьев…
Дьокуускай куорат 3 №-дээх полициятын отделын дьуһуурунай чааһыгар биир эр киһи массыынатыттан харчытын уорбуттарын туһунан…
“Бүлүү” уонна “Халыма” федеральнай суолларга өрүһү туоруур тиэхиньикэлэргэ таһаҕастарын уйуга үрдэтиллибитин туһунан “Бүлүү” Упрдор иһитиннэрдэ.…
Абый улууһугар ИДьМ отделын дьурууһунай чааһыгар мэдиссиинэ тэрилтэтэ быһаҕынан анньыллыбыт баастаах эр киһи киирбитин туһунан …