Хаартыска: Андрей Сорокин, СИА.
Ил Дархан Айсен Николаев быһа эпиир кэмигэр Өлүөхүмэ сэлиэнньэтин олохтооҕо: “Гааска холбонуу үлэтэ хаһааҥҥыттан саҕаланыай уонна уокка холбонор ититииттэн гааска көһүүгэ субсидия көрүллүө дуо?” – диэн ыйытыытыгар хоруйдаата.
— Дойду бэрэсидьиэнэ “Биир ньыгыл Арассыыйа” баартыйа сийиэһин түмүгүнэн олоххо киллэрэргэ сорудаахтаабыт “Социальнай гаастааһын” бырагыраамата баар буолан, Саха сирин гаастааһыҥҥа улахан хамсааһын таҕыста. Былырыын 2800-тэн тахса дьиэни гааска холбоотубут. Өрөспүүбүлүкэ устуоруйатыгар хаһан даҕаны буолбатах холобур. Бу — улахан ситиһии. Биһиги гаастааһын тэтиминэн Уһук Илин уокурукка бастакы, дойдуга букатын даҕаны бэһис миэстэлэннибит, — диэн эттэ.
Сыллааҕы былаантан Чурапчы улууһа 400-тэн, Горнай улууһа 316-ттан таһаарбыттарын холобурдаата.
— Бэрэсидьиэн сорудаҕынан, Газпром бырабылыанньатын бэрэссэдээтэлэ А.Б.Миллери кытта кэпсэтиибит түмүгэр “Сила Сибири” кытта ыкса турар нэһилиэнньэлээх пууннар гааска холбонуохтара диэн сүбэлэспиппит. Бу Өлүөхүмэ, Ленскэй, Алдан, Нерюнгри улуустарын нэһилиэнньэлээх пууннара. Быһаарыы номнуо ылыллыбыта. Ону таһынан, эрэгийиэннээҕи операторынан “Сахатранснефтегаз” тэрилтэ анаммыта. Ол аата үлэ хаачыстыбалаахтык уонна болдьоҕор толоруллуоҕа, урутуон да сөп.
Өлүөхүмэ улууһугар, сыыспат буоллахпына, 16-17 нэһилиэнньэлээх пуун социальнай гаастааһыҥҥа хапсар, Өлүөхүмэттэн саҕалаан кыра дэриэбинэлэргэ тиийэ. Ити төлөпүөннээбит Өлүөхүмэ сэлиэнньэтигэр үлэ 2024 сылтан номнуо саҕаланыа, 2025 сылга үлэ бүтэригэр эрэллээхпин. Гаастааһын уонунан сылларга тэнийбэт, сөбүлэҥ түһэрсэрбитигэр 2023-2025 сс. диэн болдьох туруорбуппут, — диэн эттэ. Бу Өлүөхүмэҕэ эрэ буолбатаҕын, Алдан, Ленскэй, Нерюнгри улуустара буолалларын чорботон ыйда.
Уотунан ититиигэ урут субсидия суоҕун, Бэрдьигэстээххэ буолбут мунньахха генеральнай дириэктэр Алексей Колодезников тустаах боппуруоһу көтөхпүтүн, тус бэйэтэ эмиэ маны өйүүрүн биллэрдэ.
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…
Ахсынньы аам-даам тымныытын билиммэккэ, эмиэ айаҥҥа туруннубут. Бу сырыыга массыынабыт багажнигар көннөрү бакыаттар буолбакка, кимнээх…
Саха сиригэр "Уоту сэрэт – АДПИ туруор!" диэн дьиэҕэ буруо таҕыстаҕына сэрэтэр сигнализацияны туруоруу хампаанньата…
Ахсынньы 18 күнүттэн Дьокуускай куорат «Лена», «Синема», «Центральнай» уонна өрөспүүбүлүкэ үрдүнэн тарҕанан олорор «Сахафильм», «Экстра…