Хаартыска: социальнай ситимнэртэн.
Урут Дьокуускайдааҕы остуруок турбут сиригэр — Каландаришвили уулуссатын уонна Марк Жирков переулогын быһа охсуһууларын диэки, Опера уонна балет тыйаатырын кэннинэн, урукку Свято-Троицкай таҥара дьиэтин («Чароит») аттыгар археологическай хаһыылар ыам ыйыттан ыытылла тураллар. Бу манна археологтар былыргы остуруок акылаатын буллулар.
Дьокуускайдааҕы остуруок 17-с үйэттэн киин куорат тэбэр сүрэҕэ, килбэйэр киинэ этэ. Салайар үлэ, бэлитиичэскэй, култуурунай олох оргуйан олороро. Бу диэки Дьокуускай бастакы таас дьиэтэ — Бойобуода кэнсэлээрийэтэ турбута, байыаннай гарнизон баара.
Онон бу археологическай хаһыылар улахан сыаналаах эспэнээттэри булуохтарын сөп. Остуруок бүтэһик башнята — Дьокуускай куорат бэлиэтэ буолбут Дыгын башнята умайан хаалан, билигин 400-чэкэ сыллаах бэрэбинэлэри, устуоруйаҕа киирбит остуруок дьиҥнээх маһын да буларыҥ уустук.
Бу сиргэ кэлин элбэх кыбартыыралаах дьиэ тутуллуохтаах. Ол иннинэ 2000 кв.м. иэннээх сиргэ археологическай хаһыы ыытыллара оруннаах диэн Саха сирин култуурунай нэһилиэстибэтин эбийиэктэрин харыстыыр департамена иһитиннэрбитэ.
Түөрт үйэ кэриҥэ кэм устата олох-дьаһах хайдах баран испитин археологтар буор араҥаларын быыһыттан булан таһаарыахтара. Куорат атын сирдэригэр ыытыллыбыт археологическай хаһыылартан оччотооҕу дьон тутта сылдьыбыт маллара-саллара көстүбүтэ. Ол онтон кинилэр хайдах олорбуттара, тугу аһаан-таҥнан сылдьыбыттара, хайдах дьиэлэргэ олорбуттара көстөн кэлэр.
Дьокуускайдааҕы остуруок үрэллибит сэмнэҕэ 20-с үйэ саҥатыгар диэри турбута биллэр, хаартыскаларга да көстөр. Бу сиргэ элбэх кыбартыыралаах олорор дьиэни «Голдлайн» хампаанньа тутуохтаах. Өскөтүн археологическай хаһыыларга туох эрэ сыаналаах көһүннэҕинэ, дьиэни тутуу өссө тохтотуллуон сөп. Онон, дьиэ тутулларыгар көҥүл археологическай хаһыы түмүгүнэн бэриллиэҕэ.
Улахан таас дьиэ өссө биир үйэ турар кэриҥнээх. Онон тутуллуон иннинэ археологическай хаһыылары оҥорон, куораппыт устуоруйатын чинчийэр, дьиҥнээх эспэнээттэри булар улахан суолталаах.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…