Саха сирин Архитектордарын сойууһа Арассыыйа бары эрэгийиэннэригэр архитектура уонна куораты тутуу үлэтин бэрээдэктиир сокуону саҥардарга этии киллэрэр.
Онуоха сокуон бу эйгэлэргэ аныгы стандартарга барытыгар эппиэттииэн наада, — диэн Архитектордар өрөспүүбүлүкэтээҕи сойуустарын бырабылыанньатын бэрэссэдээтэлэ Семен Никифоров быһаарда. Кини этэринэн, билиҥҥи сокуоҥҥа баар үгүс нуорма уонна быраабыла бэлиэр эргэрдилэр. Семен Никифоров ити этиитин Дьокуускайга Владимир Путин уопсастыбаннай приемнайыгар кэлэн тириэртэ.
«Арассыыйа куораттара уонна тыатын сирдэрэ инникитин толору хааччыллыылаах, олохтоохторго нус-хас олоҕу мэктиэлиир буолуохтаахтар. Уулуссалар, пааркалар, дьаһалталар уонна олорор дьиэлэр архитектуралара киһи хараҕын үөрдүөхтээхтэр. Ол да иһин, архитектордар үлэлэрэ куруук уопсастыбаннай суолталаах соруктартан биирдэстэринэн буолара”, — диэн Саха сирин архитектордара бэйэлэрин көҕүлээһиннэригэр бэлиэтииллэр.
Өрөспүүбүлүкэ киин куоратыгар Владимир Путин уопсастыбаннай приемнайа 2023 сыл ахсынньытыттан үлэлиир. Эрэгийиэн олохтоохторо олох бары эйгэтигэр сыһыаннаах бэйэлэрин этиилэрин киллэрэллэр. Саха сирин Архитектордарын сойууһун көҕүлээһиннэрэ, атын да этиилэр курдук, хандьытаат аадырыһыгар тириэрдиллиэхтэрэ.
Санатан эттэххэ, Арассыыйа бэрэсидьиэнин быыбара 2024 сыл кулун тутар 15-17 күннэригэр ыытыллар. Быыбар киин хамыыһыйата түөрт хандьытааты – Арассыыйа билиҥҥи баһылыга Владимир Путины, Николай Харитоновы (КПРФ), Леонид Слуцкайы (ЛДПР) уонна Владислав Даванковы («Саҥа дьон») киллэрдэ.
Бу күннэргэ Саҥа дьыл сүпсүлгэнэ саҕаланаары турар буолан, ас ырыынактарыгар испииһэк тутуурдаах дьон үксээбит. Өрүс…
“Дьоруойдар кэмнэрэ” бырагыраамаҕа кыттар сайаапкалары почтанан ылыы саҕаланна. Бу -- бырагыраама иккис түһүмэҕэ. Сайаапкалары билигин…
LETO куорат эйгэтин тупсаҕай оҥоруу киинэ Сэбиэскэй Сойуус Дьоруойа Федор Попов пааматынньыгын эскииһин оҥорууга күрэс…
Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…
Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга саамай…
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…