Салгыы
«Арктика эйгэтэ» сүргэни көтөхтө

«Арктика эйгэтэ» сүргэни көтөхтө

Ааптар:
30.03.2023, 18:15
Хаартыскаҕа Айталина Аргунова түһэриитэ
Бөлөххө киир:

Маннык ааттаах быыстапка-дьарбаҥкаҕа элбэх киһи тоҕуоруста. Бу болҕомтону тардыбыт тэрээһин олус сэргэхтик ыытыллан, дьон-сэргэ улаханнык астынна.

Саха сирэ уус-уран оҥоһуктарынан аар-саарга аатырар. Маннык ураты оҥоһуктар ортолоругар хотугу аҕыйах ахсааннаах норуоттар айар үлэлэрэ эмиэ ураты миэстэни ылар. Киһини эрэ долгутар, манньытар, угуйар ураты нарын-намчы оһуордарыгар, ойууларыгар-бичиктэригэр хотугу норуогттар олохторо, үлэрэрэ-хамнастара, историялара, маанылаах айылҕалара кэпсэнэр.

Хаартыскаҕа Айталина Аргунова түһэриитэ

Биир ураты тэрээһининэн А.Е.Кулаковскай аатынан норуоттар доҕордоһууларын дьиэтигэр ыытыллыбыт «Арктика эйгэтэ» эрэгийиэннээҕи быыстапка-дьаарбаҥка буолар.

Бу күүтүүлээх, долгутуулаах тэрээһиҥҥэ 19 улуустан 101 маастар, маастардар үс уопсастыбаннай түмсүүлэрэ, биир үөрэх тэрилтэтэ кыттыыны ыллылар. Анан-минээн Камчаткаттан уонна Красноярскайтан эспиэрдэр кэлэн ыалдьыттаатылар, үлэни-хамнаһы, дьону-сэргэни кытары көрүстүлэр.

Хаартыскаҕа Айталина Аргунова түһэриитэ

Тэрээһин түмүгэр «Традиционный национальный костюм северных народов», «Современный национальный костюм северных народов», «Женские украшения и аксессуары костюмов», «Изделия из меха и кожи. Хозяйственно-бытовая утварь», «Кукла народов Севера, народная игрушка», «Сувенирные изделия», «Народное признание», «Лучшая экспозиция» номинациялар кыайыылаахтара ааттаннылар. Бу туһунан сиһилии http://ddnykt.ru/?p=40460 саайтка киирэн көрүөххүтүн сөп.

Бэртээхэй быыстапка ырыанан, үҥкүүнэн түмүктэннэ. Манна норуоттар доҕордоһууларын дьиэтин айар кэлэктииптэрэ, ырыаһыттара уонна хотугу улуустартан кэлбит ыалдьыттар үөрэ-көтө көхтөөхтүк кытыннылар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
24 апреля
  • 2°C
  • Ощущается: -0°Влажность: 87% Скорость ветра: 2 м/с

Сообщить об опечатке

Текст, который будет отправлен нашим редакторам: