Хаартыска: sakha.gov.ru ылылынна
«Хрустальный компас» национальнай бириэмийэ официальнай саайтыгар «Уопсастыбаннас билиниитэ» номинацияҕа онлайн-куоластааһын буола турар.
Бастыҥ бырайыак иһин 17 араас дойдуттан кытталлар. Саха сириттэн «»Арктика историята» мультимедийнай анал бырайыак баар.
Бу Тиксииттэн Артем Ослопов уонна Степан Гуков оҥорбут бырайыактара Арктика историятыгар, нуучча бастакы айанньыттарыгар, эспэдииссийэлэргэ анаммыт. Сыала-соруга — хотугу дойдулар сирдэрин-уоттарын туһунан билиини-көрүүнү кэҥэтии, тарҕатыы, Арассыыйа историятыгар уонна географиятыгар интэриэһи күүһүрдүү. Бырайыак матырыйааллара оскуола үөрэнээччилэригэр, устудьуоннарга, уопсайынан дойду хотугу сирин-уотун сэргээччилэргэ, сэҥээрээччилэргэ ананаллар.
—-«Хрустальный компас» национальнай бириэмийэ Нуучча географическай уопсастыбатын 180 сылыгар ананар. Наҕараадаҕа 600 тахса бырайыак түһэриллибит. Кыайыылаахтар ааттарын биһиги ыам ыйыгар Москваҕа норуоттар икки ардыларынааҕы музыка дьиэтигэр тэрээһин үөрүүлээх чааһыгар иһитиннэриэхпит, — диэн национальнай бириэмийэ тэрийэр кэмитиэтин бэрэссэдээтэлэ Иван Чайка иһитиннэрэр.
Бырайыакка муус устар 30 күнүгэр диэри сыылканан киирэн күҥҥэ биирдэ куоластыахха сөп.
«Хрустальный компас» бириэмийэ 2012 сылтан Нуучча географическай уопсастыбатын эгидатынан туттарыллар.
Бу сыллар усталарыгар бириэмийэҕэ 51 дойдуттан 5 тыһ. кэриҥэ бырайыак уонна ураты ситиһиилэр түһэриллибиттэрэ. Ааспыт сылларга лауреаттарынан буолбуттара — айанньыт Федор Конюхов, Австралияттан хаартыскаҕа түһэрээччи Рэй Коллинз, Ломоносов аатынан Москватааҕы судаарыстыбаннай университет, РНА географияҕа института, «КамАЗ» ПАУо, «Росэнергоатом» концерн, National Geographic Society уо.д.а.
СӨ Ил Дарханын уонна Бырабыыталыстыбатын пресс-сулууспата
Бүгүн, ыам ыйын 31 күнүгэр, Дьокуускайга ыытылла турар Кэриэйдэр төрүччүлэрин үөрэтиигэ анаммыт норуоттар икки ардыларынааҕы…
Саха сиригэр аатырбыт «Маатта» тиит маһа "Российское дерево года – 2025" куонкуруска куоластааһыҥҥа кыттар. 200…
Ньээм эбэтэр Алтан төбө сибэккитэн олус туһалаах уонна минньигэс барыанньа - атыннык мүөт оҥоһуллар. Одуванчик…
Бүгүн, ыам ыйын 31 күнүгэр, Кэриэйдэр төрүччүлэрин үөрэтиигэ анаммыт норуоттар икки ардыларынааҕы пуорум буола турар.…
Саха сиригэр ыам ыйын 31 күнүгэр Дьааҥы, Муома, Нерюнгри, Өймөкөөн, Томпо, Уус Алдан, Уус Маайа…
Саха сирин сүүмэрдэммит хамаандатын тустууга Альберт Петров кулгаахтарынан мөлтөхтүк истэр спортсменнар ортолоругар көҥүл тустууга Арассыыйа…