Хаартыска: www.sakha.gov.ru
Арктика маастар-былаанын олоххо киллэрии 2035 сылга ити сирдэр куораттааҕы валовай бородуукталарын 3-5 трлн. солк. тиийэ эбиэҕэ. Ити туһунан РФ Бырабыыталыстыбатын бэрэссэдээтэлин солбуйааччы — РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев бэрэссэдээтэллээх “Арктика – территория диалога” норуоттар икки ардыларынааҕы пуорум түмүгүн таһаарыыга иһитиннэрдэ.
Кини Арассыыйа Бэрэсидьиэнэ Владимир Путин Бырабыыталыстыбаҕа арктикатааҕы маастар-былааны олоххо киллэрии кыраапыгын ылыныыны түргэтэтэргэ сорудахтаабытын бэлиэтээтэ. Күн бүгүн барыта 1,5 мөл. тахса киһилээх 16 тирэх нэһилиэнньэлээх пууну сайыннарыы былаана оҥоһуллубут. Олор олоххо киириилэриттэн 19 трлн. солк. кээмэйдээх инвестиционнай бырайыак тутулуктаах. Испииһэккэ Тиксии бөһүөлэк уонна Саха сирин аттынааҕы сирдэр киирэллэр.
“Арктика куораттарын маастар-былаанын олоххо киллэриини Бэрэсидьиэн сорудаҕа таҕыстаҕына, чугастааҕы кэмҥэ саҕалыахпытын сөп. Ити кэнниттэн тута Уһук Илин үчүгэй уопутун уонна бииргэ үлэлэһиигэ технологиятынан, үбүлээһинин төһө кыалларынан түргэнник хомуйуохпут. Тоҕо диэтэххэ, дьон кэтэһэр тэрээһиннэрэ номнуо быһаарыллыбыттара. Туталларыгар көмөлөһөр ирдэнэр” – диэн Юрий Трутнев бэлиэтээтэ.
Пуорум дьыалабыай бырагырааматын иитинэн инники күөҥҥэ сылдьар эспиэртэр, судаарыстыбаннай былаас уорганын уонна биисинэс-холбоһуктар бэрэстэбиитэллэрэ кыттыылаах сүүрбэттэн тахса тэрээһин ыытыллыбыт. Ураты болҕомто арктика сирдэригэр тырааныспар инфраструктуратын, бырамыысыланнай сайдыы уонна социальнай хааччыйыы эйгэтигэр стратегическай бырайыактары олоххо киллэрии боппуруостарыгар ууруллубут.
“Арктика – территория диалога” норуоттар икки ардыларынааҕы VI арктическай пуорум Мурманскайга кулун тутар 26-27 күннэригэр буолбута. Тэрээһиҥҥэ 110 хампаанньа 230 Арассыыйатааҕы уонна тас дойду бэрэстэбиитэлэ кыттыбыта.
Ил Дархан уонна Бырабыыталыстыба пресс-сулууспата.
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар…
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…