Хаартыска: Доруобуйа харыстабылын министиэристибэтэ
Дьокуускайга туруктаах сайдыыга VI Хотугу пуорум чэрчитинэн “Арктика мэдиссиинэтэ: бииргэ үлэлээһин полюһа” дискуссия буолла.
Панельнай дискуссия кыттыылаахтара Арктика эрэгийиэннэрин олохтоохторугар мэдиссиинэ көмөтүн оҥорууну, ол иһигэр мэдиссиинэ каадырдарын бэлэмнээһин, балыыһалары модернизациялааһын боппуруостарын, дьүүллэстилэр. Саха сирэ Арктика улуустарыгар уонна ыраах сытар нэһилиэнньэлээх пууннарга мэдиссиинэ табыгастаах көмөтүн хааччыйарга “Мобильнай биригээдэлэр өрөспүүбүлүкэтээҕи кииннэрэ” бырайыагы ситиһиилээхтик олоххо киллэрбит үөрүйэхтээх.
Кыттааччылар бэлиэтээн эппиттэринэн, “Доруобуйа харыстабыла” уонна саҥа “Уһун көхтөөх олох” национальнай бырайыактар көмөлөрүнэн, билигин Саха сиригэр мэдиссиинэ инфраструктуратын сайыннарыыга биир кэлим улахан үлэ ыытыллар – биэлсэр-акушер пууннара уонна быраас амбулаториялара тутуллаллар, Муома улууһугар балыыһа улахан комплекса үлэҕэ киирдэ, мэдиссиинэ аныгы тиэхиньикэтинэн толору сэбилээһин салҕанар, анал массыына тиэхиньикэтэ атыылаһыллар. Дьокуускайдааҕы килиниичэскэй балыыһа “Мобильнай биригээдэлэр өрөспүүбүлүкэтээҕи кииннэрэ” бырайыак туһалааҕын көрдөрдүбүтүн туспа бэлиэтээтилэр. Бырайыак көмөтүнэн аҥаардас бу сылга 36 тыһыынча киһиэхэ мэдиссиинискэй чинчийии, диспансеризация уонна диспансер кэтээн көрүүтэ оҥоһулуннулар. Көһө сылдьар мобильнай биригээдэлэр 70-тахса төгүл, ол иһигэр Арктика улуустарыгар, сырыттылар.
«Өрөспүүбүлүкэ мэдиссиинэтин уопсастыбата дойду бэрэсидьиэнэ Владимир Путин көҕүлээбит “Уһун уонна көхтөөх олох» саҥа национальнай бырайыагынан үлэлиир. Биһиэхэ өлүүнү аҕыйатар, олох уһунун уһатар уонна, биллэн турар, Саха сирин нэһилиэнньэтин олоҕун хаачыстыбатын тупсарар соруктар тураллар. Ону быһаарарга биэдэмэстибэлэр икки ардыларынааҕы үлэ – сокуону оҥорор уонна ситэриилээх былаастар, араас структуралар уонна биэдэмэстибэлэр хардарыта бииргэ үлэлээһиннэрэ ирдэниллэр. Холбоһуктаах күүспүтүнэн эрэ нэһилиэнньэ доруобуйатын харыстабылыгар биллэр түмүктэри ситиһиэхпитин сөп”, — диэтэ СӨ доруобуйа харыстабылыгар миниистирэ Лена Афанасьева.
ХИФУ Мэдиссиинэҕэ институтун дириэктэрэ Николай Гоголев мэдиссиинэ үлэһиттэрин бэлэмнээһиҥҥэ эрэгийиэн инники иһэр уопутун бэлиэтээтэ.
Дискуссия түмүгүнэн, Арктика олохтоохторун доруобуйаларын харыстабылыгар бииргэ үлэлээһини салгыы сайыннарар туһунан быһаарыыны ылыннылар.
Бүгүн киин куоракка 13:40 чааска С. Данилов уулуссатын 14 нүөмэрин аттыгар улахан хомунаалынай саахал таҕыста…
Дьокуускай куорат суута ньиэби хостооһунунан дьарыктанар хааччахтаммыт эппиэтинэстээх уопсастыбаҕа сыһыаннаах, РФ административнай быраабы кэһии туһунан…
Бүк сабыллар саахымат дуоската хаһан айыллыбытый? Билигин оонньуурга туттуллар чаһы хаһан баар буолбутуй? Саахымат үөскээбит…
Ааспыт өрөбүллэргэ Дьокуускай сиригэр-уотугар суол-тырааныспар 12 быһылаана бэлиэтэммит. Икки киһи эчэйбит. Сэтинньи 29 күнүгэр сарсыарда…
Ахсынньы номнуо үүннэ, ону кытта Саха сирин суон сураҕырбыт тымныылара сатыылаан эрэллэр. Дьокуускай куорат үөрэҕин…
Саха сиригэр мэдиссиинэ көмөтүнэн байыаннай дьайыы 4 152 кыттыылааҕа туһанна. Бу туһунан СӨ доруобуйа харыстабылын…