Хаартыска: SakhaGov
“Арктика – кэпсэтии сирэ” Арктика норуоттар икки ардыларынааҕы пуорумун (МАФ) саайтыгар сиэссийэлэр кыттыылаахтара ыйыллыбыт толору дьыалабыай бырагыраама бэчээттэннэ.
Кулун тутар 26-27 күннэригэр Мурманскайга буолар Арктика норуоттар икки ардыларынааҕы пуорумун Росконгресс пуонда Арассыыйа Бырабыыталыстыбатын өйөбүлүнэн тэрийэр.
“Арктика Арассыыйа сирин-уотун 30% кэриҥин ылар уонна аан дойду таһымнаах киэҥ хабааннаах бырайыактары олоххо киллэрэр улахан кыахтаах. РФ Бырабыыталыстыбата Арктика сирин-уотун социальнай-экэнэмиичэскэй сайдыытыгар уонна нэһилиэнньэ олоҕун усулуобуйатын тупсарарга улахан үлэни ыытар. Судаарыстыбаннай өйөбүл көмөтүнэн Арктикаҕа үрдүк хамнастаах оробуочай миэстэлэри таһаарар инвестиция улахан бырайыактара олоххо киллэриллэллэрэ мээнэҕэ буолбатах. Бырагыраамалар үлэлииллэр – гектар сир уонна Арктика ипотеката бэриллэр, Хотугу муора суола сайыннарыллар. Арассыыйа бэрэсидьиэнин быһаарыытынан, Арктика тирэх пууннарын реновациялааһын маастар-былааннара оҥоһуллаллар. Биһиги норуоттар икки ардыларыгар экэниэмикэҕэ бииргэ үлэлииргэ аһаҕаспыт. Пуорум Арктика туруктаах сайдыытыгар саҥа быһаарыылары ыларга уонна бииргэ үлэлиир дойдуларбытын кытары хардарыта бииргэ үлэлээһини кэҥэтэргэ көмөлөһүөхтээх”, — диэн Уһук Илин федеральнай уокуругар РФ бэрэсидьиэнин боломуочуйалаах бэрэстэбиитэлэ Юрий Трутнев эттэ.
Пуорум дьыалабыай бырагыраамата түөрт блокка («Арктика уонна СМП: аан дойду маршруттарыгар күрэстэһиигэ хайдах кыайыахха”, «Арктика уонна СМП: инвестициялары тардар полюс”, «Арктика уонна СМП: тирэх нэһилиэнньэлээх пууннары сайыннарыы”, «Норуоттар икки ардыларынааҕы бииргэ үлэлээһин уонна экология») араарыллыбыт 20-чэ сиэссийэлээх.
Дьыалабыай бырагыраама чэрчитинэн, ону таһынан РФ Судаарыстыбаннай сэбиэтин хамыыһыйаларын холбоһуктаах мунньахтара былааннанна.
“Арктика – кэпсэтии сирэ” Арктика норуоттар икки ардыларынааҕы VI пуорума Арктика сирин-уотун социальнай-экэнэмиичэскэй сайдыытын дьоһун суолталаах боппуруостарын быһаарарга сүрүн былаһаакка.
Тэрээһин туһунан сиһилии forumarctica.ru. билсиҥ
Үйэлэртэн-үйэлэргэ саха омук сүрүн дьарыгын хороҕор муостаахтары, сыспай сиэллээхтэри Куорунай улууһун Мытаах нэһилиэгин дьоно-сэргэтэ билиҥҥи…
Бу күннэргэ Дьокуускага "МУУС УСТАР-2025" үбүлүөйдээх ыччат бэстибээлэ бэһис сылын буола турар. Быйыл тэрээһин 12…
Саха сиринээҕи силиэстийэлиир кэмитиэтин Халыматааҕы силиэстийэлиир отдела Орто Халыма оройуонун 52 саастаах олохтооҕо киһини өлөрүүгэ…
«Якутия — земля героев» каадыр бырагырааматыгар кыттааччылартан 525 сайаапка киирбит, ол иһигэр атын эрэгийиэннэртэн. Бу…
Бүгүн, кулун тутар 18 күнүгэр, Үөһээ Бүлүү улууһугар Д.С. Спиридонов аатынан Үөһээ Бүлүүтээҕи гимназияҕа "Туругура,…
Оҕуруот үүнээйитин ый халандаарын ыһыы уонна буорга олордуу — оҕуруотчуттар ордук туһанар ураты ньымалара. Бүгүн…