Андрей Сорокин хаартыскаҕа түһэриитэ, ЯСИА
Бүгүн Ил Дархан Айсен Николаев Ил Түмэҥҥэ этиитигэр Арктиканы сайыннарыы боппуруостарын ырытта. Кини бырабыыталыстыба бигэргэппит «Тикси-Найба» агломерациятын маастар-былаанын туһунан кэпсээтэ. Бу былааҥҥа Найбаҕа муора пуордун тутуу, Тиксиигэ пуорду уонна аэровокзалы саҥардыы, ону таһынан энергетическэй уонна суол инфраструктуратын сайыннарыы киирэр.
«Сүрүн бырайыагынан Найбаҕа баар пуорт буолуоҕа, Кытайы Саха сирин кытта ситимниир 3 тыыһыынчаттан тахса килэмиэтир уһуннаах «Мохэ – Найба» аан дойдутааҕы тырааныспар көрүдүөрүн сорҕотунан буолуоҕа. Кытайтан Амур уобалаһын устун тимир суолунан Аллараа Бэстээх ысттаансыйатыгар диэри айанныаҕа, онтон салгыы өрүс флотунгар Найбаҕа диэри тиийиэҕэ», — диэн Ил Дархан тоһоҕолоон бэлиэтээтэ.
Ону таһынан Айсен Николаев «Арктика Синергията” диэн саамай улахан телекоммуникационнай бырайыак туһунан эттэ, бу бырайыак 61 нэһилиэнньэлээх пууну интэриниэт ситиминэн хааччыйыаҕа, телемэдиссиинэ уонна судаарыстыбаннай өҥөлөрүн, үөрэххэ киириини тупсарыаҕа. Сир үрдүгэр саамай уустук усулуобуйаҕа сиргэ үс сыл иһигэр 7000 килэмиэтир уһуннаах оптоволокно сибээс линията тутуллуоҕа.
Ону тэҥэ, кини Арктика улуустарыгар Сааскылаахха, Өлөөҥҥө уоннаЧокурдаахха чугастааҕы кэмҥэ эргиэн-логистика кииннэрин ситимнэрэ тутуу түмүктэнэрин бэлиэтээтэ. Ол эрээри быйылгы сылга Бырабыыталыстыба социальнай суолталаах рейстэр кээмэйдэрин 64% эрэ оҥоһуллубутун Ил Дархан эттэ. Кини кэлэр сылга Бырабыыталыстыбаҕа Арктика олохтоохторун интэриэстэрэ көмүскэллээх буолуохтааҕын тоһоҕолоото, сүрүн наадыйыыларыгар бүддьүөт ороскуотун кыччаппат таһымын быһаарарга уонна харыстанар бүддьүөт пуунун испииһэгэр киллэрэргэ сорудахтаата.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…